ഡിജിറ്റൽ മണി ലോകത്ത് ഭീമനായ ​ഗൂ​ഗിൾ പേ ചില രാജ്യങ്ങളിൽ സേവനം അവസാനിപ്പിക്കാൻ ഒരുങ്ങുകയാണ് എന്ന റിപ്പോർട്ട് ഇപ്പോൾ പുറത്തുവരികയാണ്. ഓൺലൈൻ പേയ്മെന്റ് പ്ലാറ്റ്ഫോമുകളിൽ ഏറ്റവും ജനപ്രിയമായ ആപ്പായ ഗൂഗിൾപേ അമേരിക്കയടക്കം രാജ്യങ്ങളിൽ സേവനം അവസാനിപ്പിക്കാനായി ഒരുങ്ങുകയാണ് എന്നാണു വിവരം.
ഗൂഗിൾ പേ യെ അപേക്ഷിച്ച് അമേരിക്കയിൽ ഗൂഗിൾ വാലറ്റിനാണ് കൂടുതൽ ഉപയോക്താക്കളുളളത്. ഇതാണ് ഗൂഗിൾ പേ സേവനം നിർത്താൻ കാരണം. ഗൂഗിൾ വാലറ്റ് എന്ന പുതിയ ആപ്പിലേക്ക് മാറാൻ ഉപയോക്താക്കൾക്ക് നിർദ്ദേശം നൽകിയിരിക്കുകയാണ്.

ജൂൺ നാലാം തീയതി വരെ മാത്രമേ അമേരിക്കയിലെ ഗൂഗിൾ പേ സേവനം ലഭ്യമാകുകയുള്ളൂ എന്നും അതിനാൽ, ​ഗൂ​ഗിൾ പേ സേവനം അവസാനിക്കുന്നതിന് മുന്നേ ഉപഭോക്താക്കളോട് ​ഗൂ​ഗിൾ വാലറ്റിലേക്ക് മാറണമെന്നും കമ്പനി നിർദേശിച്ചിട്ടുണ്ട്. ​ ജൂണിന് ശേഷം ഉപഭോക്താക്കൾക്ക് ​ഗൂ​ഗിൾ പേയിലൂടെ പണം അയക്കാനോ സ്വീകരിക്കാനോ കഴിയില്ല. ഗൂ​ഗിൾ പേയിലെ പേയ്മെന്റ് സംവിധാനത്തിന് സമാനമാണ് ​ഗൂ​ഗിൾ വാലറ്റിലെയും പേയ്മെന്റ് സംവിധാനം എന്നാണറിയുന്നത്. അമേരിക്കയിൽ അവസാനിപ്പിച്ചാലും ഇന്ത്യയിലും സിംഗപ്പൂരിലും ഗൂഗിൾ പേ നിലവിലെ രീതിയിൽ തന്നെ സേവനം തുടരും.

Read Also:തിരുവല്ലയിൽ ഒമ്പതാം ക്ലാസുകാരിയെ കാണാനില്ല; രണ്ട് യുവാക്കളുമായി പെൺകുട്ടി സംസാരിക്കുന്നതും പോകുന്നതും ദൃശ്യങ്ങളിൽ; അന്വേഷണം