ഓടുന്ന ബൈക്കിലിരുന്ന് ആൺ സുഹൃത്തിന് മേൽ പെട്രോൾ ഒഴിച്ച് തീ കൊളുത്തി ഇരുപതുകാരി. തമിഴ്നാട്ടിലാണ് സംഭവം.ആൺ സുഹൃത്തിന് മറ്റൊരു പെൺകുട്ടിയുമായുള്ള ബന്ധത്തെ ചൊല്ലിയാണ് പെൺകുട്ടി അക്രമം കാണിച്ചത്.

തമിഴ്നാട്ടിലെ ഒരു എഞ്ചിനീയറിങ് കോളേജിൽ പഠിക്കുകയാണ് പെൺകുട്ടി. ഇവർ അടുത്തുള്ള ഒരു യുവാവുമായി പ്രണയത്തിലായിരുന്നു. എന്നാൽ യുവാവിന് അടുത്തിടെ മറ്റൊരു പെൺകുട്ടിയുമായി ബന്ധമുള്ളത് പെൺകുട്ടി കണ്ടു പിടിച്ചിരുന്നു. ഇതിനെപ്പറ്റി സംസാരിക്കാനാണ് ഇരുവരും ബീച്ചിലെത്തിയത്. യുവാവ് തനിക്ക് രണ്ടാമത്തെ പെൺകുട്ടിയെ അത്ര പെട്ടെന്ന് ഒഴിവാക്കാനാവില്ല എന്നു പറഞ്ഞതാണ് കാമുകിയെ ചൊടിപ്പിച്ചത്. ഇതോടെ പോവാനായി യുവാവിന്റെ ബൈക്കിന് പിന്നിൽ കയറിയ പെൺകുട്ടി, യാത്രയ്ക്കിടെ ബൈക്കിന്റെ പിന്നിലിരുന്ന് കൈയിൽ കരുതിയ പെട്രോൾ യുവാവിന്റെ ദേഹത്തൊഴിച്ചശേഷം തീ കൊളുത്തുകയായിരുന്നു. നാട്ടുകാർ ഓടിക്കൂടിയാണ് യുവാവിനെ ആശുപത്രിയിലാക്കിയത്. സംഭവത്തിൽ 60 ശതമാനത്തോളം പൊള്ളലേറ്റ യുവാവ് ചികിത്സയിലാണ്. നിസ്സാര പരുക്കേറ്റ യുവതിക്കെതിരെ കൊലപാതകശ്രമത്തിന് കേസ് രജിസ്റ്റർ ചെയ്തു.

Read also: കേരളത്തിൽ വരുന്നു, ലൈറ്റ് ട്രാം; സംസ്ഥാനത്തെ ഈ 3 നഗരങ്ങൾ ഇനി യൂറോപ്യൻ നിലവാരത്തിലാകും !