കൊല്ലം: കുളത്തൂപ്പുഴയിൽ കുടുംബ വഴക്ക് തടയാനെത്തിയ അയൽവാസിയേയും അമ്മയേയും മർദ്ദിച്ച കേസിൽ യുവാവിനെ പൊലീസ് പിടികൂടി. ഇഎസ്എം കോളനിയിലെ ജിഷ്ണുവാണ് അറസ്റ്റിലായത്. ഈ മാസം 18 നായിരുന്നു സംഭവം നടന്നത്. വീട്ടിലുണ്ടായ വഴക്കിനെ തുടർന്ന് അച്ഛൻ രാധാകൃഷ്ണനെ ജിഷ്ണു ചുറ്റിക കൊണ്ട് അടിച്ചു വീഴ്ത്തി. ആക്രമണം കണ്ട് തടയാനെത്തിയ അയൽവാസി ഉദയനെ ചുറ്റിക കൊണ്ട് തലയ്ക്കടിക്കുകയായിരുന്നു. ബഹളം കേട്ട് തടയാനെത്തിയ ഉദയന്റെ അമ്മ സരസുവിന്റെ തലയും പ്രതി ഹെല്മറ്റ് കൊണ്ട് അടിച്ചു പൊട്ടിച്ചു. ഉടുതുണി പറിച്ചെടുത്തു റോഡില് നിന്നും താഴേക്ക് വീണ സരസുവിനെ ജിഷ്ണുവിന്റെ അമ്മ വിജയമ്മ കയ്യേറ്റം ചെയ്തുവെന്നും പരാതിയിൽ പറയുന്നു. കൈക്ക് മുറിവേറ്റ ഉദയന് ചുറ്റിക പിടിച്ചു വാങ്ങിയതോടെ ജിഷ്ണു അടുത്തുണ്ടായിരുന്ന കമ്പുപയോഗിച്ച് രാധാകൃഷ്ണൻ്റെ കൈ തല്ലി ഒടിച്ചു.വിവരമറിഞ്ഞ് ജിഷ്ണുവിനെ പിടികൂടാനെത്തിയപ്പോൾ പൊലീസിനു നേരെയും ആക്രമണമുണ്ടായി. സംഭവ സ്ഥലത്തു നിന്നും രക്ഷപ്പെട്ട ജിഷ്ണുവിനെ കഴിഞ്ഞ ദിവസമാണ് പൊലീസ് പിടികൂടിയത്. വധശ്രമത്തിന് കേസെടുത്തായിരുന്നു അറസ്റ്റ്. പ്രതിയെ റിമാൻഡ് ചെയ്തു. ജിഷ്ണുവിൻ്റെ അമ്മ വിജയമ്മയേയും പ്രതി ചേർത്തിട്ടുണ്ട്.
ആദ്യം അച്ഛനെ ചുറ്റികക്ക് തലക്കടിച്ചു, തടയാനെത്തിയ അയൽക്കാർക്കും കൊടുത്തു; സംഭവം അറിഞ്ഞെത്തിയ പോലീസുകാർക്ക് നേരെയും ആക്രോശം; ഒടുവിൽ യുവാവിനെ കഷ്ടപ്പെട്ട് പിടികൂടി; സംഭവം കൊല്ലം കുളത്തുപ്പുഴയിൽ
Popular Categories
Previous article
Next article