കൊച്ചി: വനിതാ നിർമാതാവിന്റെ പരാതിയിൽ കേരള ഫിലിം പ്രോഡ്യൂസേഴ്സ് അസോസിയേഷന് ഭാരവാഹികള്ക്കെതിരെ കേസെടുത്ത് പോലീസ്. ആന്റോ ജോസഫ്, അനില് തോമസ്, ബി രാഗേഷ്, ലിസ്റ്റിന് സ്റ്റീഫന് എന്നിവര് ഉള്പ്പടെയുള്ള അസോസിയേഷന് ഭാരവാഹികള്ക്കെതിരെയാണ് കേസെടുത്തത്. വിളിച്ചു വരുത്തി സ്ത്രീത്വത്തെ അപമാനിച്ചെന്ന് പരാതിയിൽ ആരോപിക്കുന്നു.(female film producer has filed a complaint against the Film Producers)
എറണാകുളം സെന്ട്രല് പോലീസാണ് ഒമ്പത് പേര്ക്കെതിരെ കേസെടുത്തത്. ഹേമാ കമ്മറ്റി റിപ്പോര്ട്ട് വന്നതിന് പിന്നാലെ രൂപീകരിച്ച പ്രത്യേക അന്വേഷണ സംഘമാണ് കേസ് അന്വേഷിക്കുക.
സിനിമാ മേഖലയില് നിന്നുണ്ടായ തൊഴില് ചൂഷണം, ദുരനുഭവങ്ങള് എന്നിവയുമായി ബന്ധപ്പെട്ട് പ്രൊഡ്യൂസേഴ്സ് അസോസിയേഷന് വനിതാ നിര്മാതാവ് പരാതി നല്കിയിരുന്നു. എന്നാല് അസോസിയേഷന് പരാതി പരിഗണിക്കുന്നതിന് പകരം വിളിച്ചുവരുത്തി അപമാനിച്ചുവെന്നും മാനസികമായി പീഡിപ്പിച്ചുവെന്നും പരാതിയില് ആരോപിച്ചിട്ടുണ്ട്.
