നെടുങ്കണ്ടം: ഇടുക്കി നെടുങ്കണ്ടത്ത് പെരുന്തേനിച്ചയുടെ കുത്തേറ്റ് ചികിത്സയിലായിരുന്ന കർഷകൻ മരിച്ചു. നെടുങ്കണ്ടം ആട്ടുപാറ സ്വദേശി സുബ്രഹ്മണി (69) ആണ് മരിച്ചത്. ഈ മാസം ഒന്നിനായിരുന്നു ആക്രമണമുണ്ടായത്.
കൃഷിയിടത്തിൽ നിന്നും വെള്ളം ശേഖരിക്കാൻ പോയപ്പോഴായിരുന്നു പെരിന്തേനീച്ചകളുടെ കുത്തേറ്റത്. ഗുരുതരമായി പരുക്കേറ്റ സുബ്രഹ്മണി ബോധരഹിതനായി നിലത്തു വീഴുകയായിരുന്നു.
ഇദ്ദേഹത്തെ ഉടൻ തന്നെ നെടുങ്കണ്ടത്തെ സ്വകാര്യ ആശുപത്രിയിലും, പിന്നീട് തമിഴ്നാട്ടിലെ ആശുപത്രികളിലും എത്തിച്ച് ചികിത്സ നൽകിയെങ്കിലും ഇന്ന് പുലർച്ചയോടെ മരണപ്പെടുകയായിരുന്നു. കർഷകനെ രക്ഷിക്കാനെത്തിയ നാലുപേർക്കും തേനീച്ചയുടെ കുത്തേറ്റിരുന്നു. ഇവരെ പ്രാഥമിക ശുശ്രൂഷ നൽകിയ ശേഷം വിട്ടയക്കുകയായിരുന്നു.
, a native of Attupara, Nedumkandam.){kind=link}