ഇന്ത്യ-ഓസ്ട്രേലിയ ക്രിക്കറ്റ് ലോകകപ്പ് ഫൈനല്‍ കരരുതേയെന്നു ബിഗ് ബി അമിതാഭ് ബച്ചനോട് അഭ്യർത്ഥിച്ചിരിക്കുകയാണ് ആരാധകർ. കാണാൻ വരണോയെന്ന് ആരാധകരോട് ചോദിച്ച അമിതാഭ് ബച്ചനോടാണ് ആരാധകർ തങ്ങളുടെ ആവശ്യം അറിയിച്ചിരിക്കുന്നത്. താൻ കാണുന്ന മത്സരങ്ങളിലൊന്നും ഇന്ത്യ ജയിക്കാറില്ലെന്നും അതിനാല്‍ വരാതിരുന്നാലോയെന്നാണ് ആലോചനയിലാണെന്നും സൂപ്പര്‍താരം എക്സില്‍ കുറിച്ചു. ട്വീറ്റിന് താഴെ ആരാധകരുടെ രസകരമായ കമന്റുകളാണ് പിന്നീട് വന്നു നിറഞ്ഞത്. സാര്‍ ദയവ് ചെയ്തു കളി കാണാൻ വരരുതെന്നും വീട്ടിലിരുന്ന് തന്നെ കളി കാണൂവെന്നും ഒരു ഫോളോവര്‍ കൂപ്പുകൈകളോടെ റീട്വീറ്റ് ചെയ്തിരുന്നു. ഭൂരിഭാഗം പേരും ഈ അഭിപ്രായത്തെ പിന്തുണച്ചാണ് രംഗത്തെത്തിയത്.”വീണ്ടും ഒരിക്കല്‍ കൂടി ഇന്ത്യയ്ക്കായി ത്യാഗം സഹിക്കൂ, സാര്‍” എന്നായിരുന്നു മറ്റൊരു ആരാധകന്റെ രസകരമായ മറുപടി. ഫൈനല്‍ ദിവസം അമിതാഭ് ജിയെ ലോകകപ്പ് മത്സരം കാണിക്കാതെ ദൂരെയേതെങ്കിലുമൊരു ദ്വീപില്‍ കൊണ്ടുപോയി അടച്ചിടണമെന്നാണ് മറ്റൊരു ആരാധകൻ അഭിപ്രായപെട്ടത്.

2011ല്‍ മകൻ അഭിഷേക് ബച്ചൻ ബിഗ് ബിയുടെ ഈ കൌതുകകരമായ സ്വഭാവത്തെ പറ്റി മനസ്സ് തുറന്നിരുന്നു. ഇന്ത്യയുടെ മത്സരങ്ങള്‍ നടക്കുമ്ബോള്‍ തന്റെ പിതാവ് മുറിയില്‍ നിന്ന് പുറത്തിറങ്ങാറില്ലായെന്നും. അദ്ദേഹം കളി കാണാനിടയായാല്‍ അപ്പോള്‍ വിക്കറ്റ് നഷ്ടപ്പെടുമെന്നൊരു ഭയം അദ്ദേഹത്തിന്റ മനസ്സിലുണ്ടെന്നും.മത്സരത്തിന്റെ വിവരങ്ങള്‍ അമ്മ ജയാ ബച്ചനോ, മരുമകള്‍ ഐശ്വര്യ റായിയോ ആണ് പിതാവിനെ സാധാരണ അറിയിക്കാറുള്ളതെന്നും അഭിഷേക് പറഞ്ഞിരുന്നു. ഇതിനു പിന്നാലെയാണ് ആരാധകരും കാളി കാണരുതേയെന്ന അഭ്യർത്ഥനയുമായി രംഗത്തെത്തിയിരിക്കുന്നത്.