ആസ്മ രോഗികളെ പറ്റിച്ച് വ്യാജ ഇൻഹേലർ വിപണിയിൽ
തിരുവനന്തപുരം: ആസ്മ രോഗികൾ കൂടുതലായി ഉപയോഗിക്കുന്ന ഇൻഹേലറുകളുടെ വ്യാജ പതിപ്പ് വിപണിയിൽ സുലഭമാണെന്ന് ഡ്രഗ്സ് കൺട്രോൾ വിഭാഗം കണ്ടെത്തി.
സിപ്ല കമ്പനിയുടെ Seroflo Rotacaps 250 Inhaler ന്റെ വ്യാജ ഉൽപ്പന്നങ്ങളാണ് വൻതോതിൽ പിടികൂടിയത്.
തിരുവനന്തപുരം, തൃശൂർ, കോഴിക്കോട് ജില്ലകളിൽ ഒരേസമയം നടത്തിയ പരിശോധനയിൽ രണ്ടുലക്ഷം രൂപ വിലമതിക്കുന്ന വ്യാജ മരുന്നുകളാണ് കണ്ടെടുത്തത്.
സ്റ്റോക്ക് ചെയ്തിരുന്ന തിരുവനന്തപുരം ബാലരാമപുരത്തെ ആശ്വാസ് ഫാർമയും തൃശൂർ പൂങ്കുന്നത്തെ മെഡ്വേൾഡ് ഫാർമയും ഉൾപ്പെടെ രണ്ട് ഫാർമസികൾക്കെതിരെ ഡ്രഗ്സ് കൺട്രോൾ വകുപ്പ് കേസ് എടുത്തു.
ഡ്രഗ്സ് ലൈസൻസുകൾ റദ്ദാക്കൽ ഉൾപ്പെടെ കർശന നടപടികൾ സ്വീകരിക്കുമെന്ന് ഡ്രഗ്സ് കൺട്രോളർ ഡോ. സുജിത് അറിയിച്ചു.
573 രൂപ വിലയുള്ള ഈ ഇൻഹേലറുകൾ ഉത്തരേന്ത്യൻ സംസ്ഥാനങ്ങളിലെ ചില ഇടനിലക്കാരുടെ വഴി കുറഞ്ഞ വിലയ്ക്ക് കേരളത്തിലെത്തിച്ചതാണ്.
കൃത്യമായ ബിൽ നൽകിയിട്ടുണ്ടെങ്കിലും ഇവ എവിടെ നിന്നാണ് വാങ്ങിയതെന്ന വിവരം ഇടനിലക്കാർ വെളിപ്പെടുത്താൻ സാധിച്ചിട്ടില്ല.
ഇത് കണ്ടെത്താൻ ഡ്രഗ്സ് കൺട്രോൾ വകുപ്പ് ഉത്തരേന്ത്യയിലെ ചില സംസ്ഥാനങ്ങളെ കേന്ദ്രീകരിച്ച് അന്വേഷണം ആരംഭിച്ചു.
സംസ്ഥാനത്തിന് പുറത്തുനിന്ന് മരുന്നുകൾ വാങ്ങുന്ന വ്യാപാരികൾ നിർമാതാവിൽ നിന്ന് ഉപഭോക്താവിന്റെ പക്കൽ എത്തുന്നത് വരെ എല്ലാ ബില്ലുകളും സൂക്ഷിക്കണമെന്നും പരിശോധനയ്ക്കെത്തുന്ന ഉദ്യോഗസ്ഥർക്കു മുന്നിൽ അത് ഹാജരാക്കണമെന്നും സംസ്ഥാന ഡ്രഗ്സ് കൺട്രോളർ നിർദേശിച്ചു.
മതിയായ രേഖകൾ ഇല്ലാത്ത മരുന്നുകൾ നിയമവിരുദ്ധങ്ങളായി കണക്കാക്കുമെന്ന് മുന്നറിയിപ്പും നൽകി.
English Summary
The Kerala Drugs Control Department has seized a large quantity of counterfeit Seroflo Rotacaps 250 Inhaler, widely used by asthma patients. Raids conducted simultaneously in Thiruvananthapuram, Thrissur, and Kozhikode led to the seizure of fake medicines worth ₹2 lakh. Two pharmacies—Ashwas Pharma in Thiruvananthapuram and Med World Pharma in Thrissur—have been booked, and strict action including license cancellation has been initiated.
fake-seroflo-inhaler-seized-kerala
Fake Medicine, Seroflo Rotacaps, Drugs Control, Kerala, Asthma Inhaler, Pharmacy Raid, Counterfeit Drugs, Cipla, Health News
