മലമ്പുഴ ഡാമിൽ ചെളിയിൽ അകപ്പെട്ട കുട്ടിക്കൊമ്പനെ വനം വകുപ്പ് രക്ഷപ്പെടുത്തി. മലമ്പുഴ കവ ഭാഗത്താണ് മൂന്ന് വയസ് പ്രായം തോന്നിക്കുന്ന കുട്ടിയാന ഒരു മണിക്കൂറിലധികം ചെളിയില് കുടുങ്ങിയത്. മറ്റ് ആനകളോടൊപ്പം വെള്ളം കുടിക്കാനിറങ്ങിയ കുട്ടിയാന ചെളിയിൽ അകപ്പെടുകയായിരുന്നു. കുട്ടിയാന ചെളിയിൽ പുതഞ്ഞതോടെ ആനക്കൂട്ടം സമീപത്ത് നിലയുറപ്പിച്ചു. ഒടുവിൽ ഓലമടൽ ഉപയോഗിച്ച് വഴിയൊരുക്കിയാണ് കുട്ടിയാനയെ കരയ്ക്ക് കയറ്റിയത്.
