പി.വി അൻവറിന്റെ അടുത്ത അങ്കം ബേപ്പൂരിലോ ..? സ്വാഗതം ചെയ്ത് ബോർഡുകൾ നിരന്നു

അനധികൃത സ്വത്ത് സമ്പാദന കേസ്; പി വി അൻവറിന് നോട്ടീസ് അയച്ച് ഇഡി

കൊച്ചി: അനധികൃതമായി സ്വത്ത് സമ്പാദിച്ചെന്ന കേസിൽ മുൻ എംഎൽഎ പി.വി. അൻവറിന് എൻഫോഴ്‌സ്‌മെന്റ് ഡയറക്ടറേറ്റ് (ഇഡി) നോട്ടീസ് നൽകി. ചോദ്യം ചെയ്യലിനായി ബുധനാഴ്ച കൊച്ചിയിലെ ഇഡി ഓഫീസിൽ ഹാജരാകണമെന്നാണ് നിർദേശം.

2016 മുതൽ 2021 വരെയുള്ള കാലയളവിൽ പി.വി. അൻവറിന്റെ സ്വത്തിൽ ഏകദേശം 50 കോടി രൂപയുടെ വർധനവുണ്ടായതായി ഇഡി കണ്ടെത്തിയിട്ടുണ്ട്.

വിജിലൻസ് അന്വേഷണം നടത്തിയിരുന്ന കേസിലാണ് എൻഫോഴ്‌സ്‌മെന്റ് ഡയറക്ടറേറ്റ് സ്വതന്ത്രമായി കേസെടുത്ത് അന്വേഷണം ആരംഭിച്ചത്.

ഒരേ സ്വത്തിനെ ആധാരമാക്കി വിവിധ ധനകാര്യ സ്ഥാപനങ്ങളിൽ നിന്ന് പല വായ്പകളും കൈപ്പറ്റിയതായി അന്വേഷണത്തിൽ കണ്ടെത്തിയിട്ടുണ്ട്. ഇതുമായി ബന്ധപ്പെട്ട് അൻവറിന്റെ സ്ഥാപനങ്ങൾ ഉൾപ്പെടെ ആറിടങ്ങളിൽ ഇഡി നേരത്തെ പരിശോധന നടത്തിയിരുന്നു.

പി.വി. അൻവറിന് ദുരൂഹമായ ബെനാമി സാമ്പത്തിക ഇടപാടുകൾ ഉണ്ടായിരുന്നുവെന്ന സൂചനകളും അന്വേഷണത്തിൽ ലഭിച്ചതായാണ് എൻഫോഴ്‌സ്‌മെന്റ് ഡയറക്ടറേറ്റ് അറിയിച്ചിരിക്കുന്നത്. വിശദമായ ചോദ്യം ചെയ്യലിനുശേഷം തുടർനടപടികൾ സ്വീകരിക്കുമെന്നാണ് വിവരം.

English Summary

The Enforcement Directorate has issued a notice to former MLA P.V. Anvar in connection with a disproportionate assets case. The ED found that his assets increased by nearly ₹50 crore between 2016 and 2021. He has been asked to appear before the ED office in Kochi for questioning as part of the ongoing probe into alleged benami transactions and loan irregularities.

ed-notice-pv-anvar-disproportionate-assets-case

PV Anvar, Enforcement Directorate, ED notice, disproportionate assets, benami transactions, Kerala politics, former MLA, financial irregularities