ദുബായിൽ അഞ്ചാം നിലയിൽ നിന്ന് വീണ് മലയാളി ദമ്പതികളുടെ കുഞ്ഞ് മരിച്ചു

ദുബായിൽ അഞ്ചാം നിലയിൽ നിന്ന് വീണ് മലയാളി ദമ്പതികളുടെ കുഞ്ഞ് മരിച്ചു

ഇരിങ്ങാലക്കുട: ദുബായിൽ താമസിക്കുന്ന മലയാളി ദമ്പതികളുടെ കുഞ്ഞിന് ദാരുണാന്ത്യം. ഇരിങ്ങാലക്കുട ആസാദ് റോഡ് സ്വദേശികളായ മഞ്ഞളി ഡിബിന്റെയും ജെയിനിന്റെയും മൂന്നാമത്തെ മകൾ ഹന്ന റോസാണ് അപകടത്തിൽ മരിച്ചത്.

കുടുംബം താമസിക്കുന്ന അഞ്ചാം നിലയിലെ ഫ്ലാറ്റിന്റെ ബാൽക്കണിയിൽ നിന്നാണ് കുഞ്ഞ് താഴേക്ക് വീണത്. ഫ്ലാറ്റിലെ സിറ്റൗട്ടിനോട് ചേർന്ന ബാൽക്കണിയിൽ കളിച്ചുകൊണ്ടിരിക്കെയാണ് ദുരന്തം സംഭവിച്ചതെന്ന് ബന്ധുക്കൾ അറിയിച്ചു.

ബാൽക്കണിയിലെ ഗ്ലാസ് തകരുകയും അതിലൂടെ കുഞ്ഞ് താഴേക്ക് വീഴുകയും ചെയ്തതാണെന്നാണ് പ്രാഥമിക വിവരം. സംഭവവിവരം അറിഞ്ഞതോടെ നാട്ടിലും ബന്ധുക്കളിലും വലിയ ദുഃഖം പടർന്നു.

കുഞ്ഞിന്റെ സംസ്കാരം ഇന്ന് വൈകുന്നേരം നാലുമണിക്ക് സെന്റ് തോമസ് കത്തീഡ്രലിൽ നടക്കും. സഹോദരങ്ങൾ ഗ്രേസ് തെരേസയും ആൽഫ്രഡ് ജോണുമാണ്.

English Summary
A tragic accident in Dubai claimed the life of a young Malayali girl who fell from the balcony of a fifth-floor apartment. The child, Hanna Rose, daughter of a couple from Irinjalakuda, reportedly fell after the balcony glass broke while she was playing. The incident has left the family and community in deep grief.

dubai-malayali-child-fall-death-irinjalakuda

Dubai News, Malayali Family, Child Death, Accident News, Irinjalakuda, Gulf News, Tragedy, Breaking News