കൊല്ലം: പച്ചക്കറിക്കടയുടെ മറവിൽ ലഹരി മരുന്ന് കച്ചവടം നടത്തിയ കേസിലെ മൂന്നാം പ്രതിക്കു വേണ്ടിയുള്ള തെരച്ചിൽ തുടരുന്നു.
കൊല്ലം അഞ്ചലിലാണ് 84 ഗ്രാം എംഡിഎംഎയുമായി കോൺഗ്രസ് നേതാവ് അടക്കം 2 പേർ പിടിയിലായത്. എന്നാൽ ഇവർക്ക് ബംഗളൂരുവിൽ നിന്നും എംഡിഎംഎ ഇവർക്ക് എത്തിച്ചു കൊടുത്ത പ്രദീപാണ് എന്നയാളാണ് കടന്നു കളഞ്ഞ്.
അഞ്ചൽ സ്വദേശിയും കോൺഗ്രസ് പ്രാദേശിക നേതാവുമായ കോട്ടവിള ഷിജുവിനെ 4 ഗ്രാം എംഡിഎംഎംഎ യുമായാണ് പോലീസ് പിടികൂടിയത്.
ഷിജുവിന്റെ ഓട്ടോറിക്ഷക്കകത്തു നിന്നാണ് എംഡിഎംഎ കണ്ടെടുത്തത്. വിശദമായ ചോദ്യം ചെയ്യലിൽ കൂട്ടാളിയായ സാജന്റെ വീട്ടിൽ കൂടുതൽ എംഡിഎംഎ സൂക്ഷിച്ചു വെച്ചിട്ടുണ്ടെന്ന വിവരം ഷിജു വെളിപ്പെടുത്തി.
പിന്നീട് ഏറം സ്വദേശിയായ സാജന്റെ വീട്ടിൽ നിന്നും 80 ഗ്രാം എംഡിഎംഎ റൂറൽ ഡാൻസാഫ് ടീമും അഞ്ചൽ പൊലീസും ചേർന്ന് പിടിച്ചെടുത്തു.
പച്ചക്കറി കടയുടെ മറവിൽ ആണ് ഷിജുവുമായി ചേർന്ന് സാജൻ ലഹരിമരുന്ന് കച്ചവടം നടത്തിയിരുന്നത്. രഹസ്യവിവരത്തിന്റെ അടിസ്ഥാനത്തിൽ പൊലീസ് പ്രതികളെ കുറച്ചു നാളുകളായി നിരീക്ഷിച്ചു വരികയായിരുന്നു. സ്കൂൾ കോളേജ് വിദ്യാർത്ഥികളെ കേന്ദ്രീകരിച്ചാണ് പ്രതികൾ എംഡിഎംഎ വിൽപന നടത്തിവന്നതെന്നും പൊലീസ് വ്യക്തമാക്കി.
