കോട്ടയം: പാലായില് ചെക്ക് ഡാം തുറക്കുന്നതിനിടെ ഒരാൾക്ക് ദാരുണാന്ത്യം. കരൂര് സ്വദേശി ഉറുമ്പില് രാജു (53) ആണ് മരിച്ചത്. പാലാ പയപ്പാർ അമ്പലത്തിന് സമീപം കവറുമുണ്ടയിൽ ചെക്ക്ഡാം തുറന്നുവിടാനുള്ള ശ്രമത്തിനിടെയാണ് അപകടം നടന്നത്. ഡാം തുറക്കുന്നതിനിടെ രാജുവിന്റെ കൈ പലകകൾക്കിടയിൽ കുരുങ്ങുകയായിരുന്നു. ഇതോടെ വെള്ളത്തില് മുങ്ങിയാണ് മരണം സംഭവിച്ചത്.
കൈകള് കുടുങ്ങിയതോടെ രാജുവിന് പുറത്തേക്ക് വരാനായില്ല. ഇന്ന് ഉച്ചയ്ക്ക് ഒരു മണിയോടെയാണ് ദാരുണ സംഭവം നടന്നത്. വെള്ളത്തിൽ മുങ്ങിയശേഷം പലകകൾക്കിടയിൽ കയർ കുരുക്കാനുള്ള ശ്രമത്തിനിടെയാണ് കൈ കുടുങ്ങിയത്. അപകടം നടന്നയുടൻ സുഹൃത്തുക്കളും പ്രദേശവാസികളും ചേർന്ന് രാജുവിനെ പാലാ ജനറൽ ആശുപത്രിയിൽ എത്തിച്ചെങ്കിലും മരണം സംഭവിക്കുകയായിരുന്നു. ഭാര്യ: സിന്ധു.
Read Also: മഴ പെയ്തിട്ടും കാര്യമൊന്നുമില്ല, വൈദ്യുതി ബിൽ പൊള്ളിക്കും; ജൂണിലും നിരക്ക് കൂടാൻ സാധ്യത
