ചിലര്‍ ഗര്‍ഭിണി ആയിരിക്കുമ്പോള്‍ തന്നെ കുട്ടി്ക്ക് നിറം വെക്കാന്‍ കുങ്കുമപ്പൂവ് ഉപയോഗിക്കുന്നത് കാണാം. അതുപോലെ തന്നെ, മുതിര്‍ന്നവരില്‍ പോലും നിറം വെക്കാന്‍ കുങ്കുമപ്പൂവ് ഇട്ട് തിളപ്പിച്ച് പാല്‍ ദിവസേന കുടിക്കുന്നത് കാണാം. അല്ലെങ്കില്‍ അത് മുഖത്ത് പുരട്ടുന്നതും കാണാം. എന്നാല്‍, സത്യത്തില്‍ ഈ കുങ്കുമപ്പൂവ് നിറം വെക്കാന്‍ സഹായിക്കുമോ?
കുങ്കുമപ്പൂവിന്റെ ആരോഗ്യ ഗുണങ്ങള്‍
കുങ്കുമപ്പൂവ് ഒരു സുഗന്ധവ്യഞ്ജനമാണ്, ഇത് സാധാരണയായി ഭക്ഷണത്തിന് നിറം നല്‍കാന്‍ ഉപയോഗിക്കുന്നു. ഇത് ചില ആയുര്‍വേദ ഔഷധങ്ങളിലും ഉപയോഗിക്കുന്നു. കുങ്കുമപ്പൂവില്‍ ആന്റിഓക്‌സിഡന്റുകള്‍, വിറ്റാമിനുകള്‍, ധാതുക്കള്‍ എന്നിവ അടങ്ങിയിട്ടുണ്ട്, ഇത് നിരവധി ആരോഗ്യ ഗുണങ്ങള്‍ നല്‍കുന്നു.
കുങ്കുമപ്പൂവില്‍ ഫൈബര്‍ അടങ്ങിയിട്ടുള്ളതിനാല്‍ തന്ന ഇത് ദഹനം മെച്ചപ്പെടുത്താന്‍ സഹായിക്കുന്നു. അതുപോലെ, കുങ്കുമപ്പൂവില്‍ ആന്റിഓക്‌സിഡന്റുകള്‍ ധാരാളം അടങ്ങിയിട്ടുണ്ട്. ഇത് രോഗപ്രതിരോധ ശേഷി വര്‍ദ്ധിപ്പിക്കാന്‍ നല്ലതാണ്. ഇവ കൂടാതെ, വേദന കുറയ്ക്കാനും മാനസികാരോഗ്യം മെച്ചപ്പെടുത്തുന്നതിനും കുങ്കുമപ്പൂവ് നല്ലതാണ് എന്നാണ് പറയപ്പെടുന്നത്. അതുപോലെ തന്നെ തലച്ചോറിന്റെ പ്രവര്‍ത്തനം മെച്ചപ്പെടുത്താനും കാഴ്ച മെച്ചപ്പെടുത്താനും കുങ്കുമപ്പൂവ് നല്ലതാണ്.
കുങ്കുമപ്പൂവിന്റെ സൗന്ദര്യ ഗുണങ്ങള്‍
കുങ്കുമപ്പൂവ് ചര്‍മ്മത്തിന്റെ നിറം മെച്ചപ്പെടുത്താന്‍ സഹായിക്കുന്നു. ഇത് ചര്‍മ്മത്തിലെ കറുത്തപാടുകള്‍, ചുളിവുകള്‍ എന്നിവ ഇല്ലാതാക്കാന്‍ സഹായിക്കുന്നുണ്ട്. അതുപോലെ തന്നെ ചര്‍മ്മത്തെ ഹൈഡ്രേറ്റ് ചെയ്ത് നിലനിര്‍ത്താനും ചര്‍മ്മത്തെ മൃദുവാക്കാനും തിളക്കമുള്ളതാക്കാനും സഹായിക്കുന്നു. സൂര്യപ്രകാശത്തില്‍ നിന്ന് ചര്‍മ്മത്തെ സംരക്ഷിക്കാന്‍ സഹായിക്കുകയും ഇതിലൂടെ ചര്‍മ്മത്തില്‍ ചുളിവുകള്‍, കറുത്തപാടുകള്‍ എന്നിവ വരാതിരിക്കാനും സഹായിക്കുന്നുണ്ട്. ചര്‍മ്മത്തെ പുനരുജ്ജീവിപ്പിക്കുകയും ചര്‍മ്മത്തിലെ കോശങ്ങളുടെ പുനരുല്‍പ്പാദനം വര്‍ദ്ധിപ്പിക്കുകയും ചര്‍മ്മത്തെ പ്രായമാകുന്നതില്‍ നിന്ന് സംരക്ഷിക്കുകയും ചെയ്യുന്നു.
കുങ്കുമപ്പൂവ് കഴിച്ചാല്‍ നിറം വെക്കുമോ?
കുങ്കുമപ്പൂവ് ഒരു സുഗന്ധവ്യഞ്ജനമാണ്. ഇത് സാധാരണയായി ഭക്ഷണത്തിന് നിറം നല്‍കാന്‍ ഉപയോഗിക്കുന്നു. ഇത് ചില ആയുര്‍വേദ ഔഷധങ്ങളിലും ഉപയോഗിക്കുന്നുണ്ട്. അതുപോലെ തന്നെ, ചര്‍മ്മത്തിലെ നിറവ്യത്യാസം അകറ്റാനും ചര്‍മ്മത്തെ മോയ്സ്ച്വര്‍ ചെയ്ത് നിലനിര്‍ത്താനും മുഖക്കുരുവും കറുത്തപാടുകളും അകറ്റാന്‍ കുങ്കുമപ്പൂവ് നല്ലത് തന്നെ. എന്നാല്‍, കുങ്കുമപ്പൂവ് കഴിച്ചാല്‍ ഒരിക്കലും വെളുക്കാന്‍ സാധിക്കുകയില്ല. കുങ്കുമപ്പൂവ് കഴിച്ചാല്‍ വെളുക്കും എന്ന് തെളിയിക്കുന്ന യാതൊരു ശാസ്ത്രീയ രേഖകളും ഇന്നോളം നിലവിലില്ല.
ഒരാളുടെ നിറം നിര്‍ണ്ണയിക്കുന്ന ഘടകങ്ങള്‍
മെലനിന്‍: മെലനിന്‍ എന്നത് ശരീരത്തിന് നിറം നല്‍കുന്ന പ്രോട്ടീനാണ്. ഇത് ചര്‍മ്മത്തിലും കണ്ണുകളിലും മുടിയിലും കാണപ്പെടുന്നു. മെലനിന്‍യുടെ അളവ് നിങ്ങളുടെ നിറത്തെ നിര്‍ണ്ണയിക്കുന്നു. മെലനിന്‍ കൂടുതലുള്ള ആളുകള്‍ക്ക് ഇരുണ്ട നിറവും മെലനിന്‍ കുറവുള്ള ആളുകള്‍ക്ക് ഇളം നിറവും ഉണ്ടാകും.
ജനിതകം: നിങ്ങളുടെ നിറം നിര്‍ണ്ണയിക്കുന്നതില്‍ ജനിതകം ഒരു പ്രധാന പങ്ക് വഹിക്കുന്നു. നിങ്ങളുടെ മാതാപിതാക്കളില്‍ നിന്ന് നിങ്ങക്ക് നിറം പാരമ്പര്യമായി ലഭിക്കാം.
സൂര്യപ്രകാശം: സൂര്യപ്രകാശം നിങ്ങളുടെ നിറത്തെ ബാധിക്കും. അമിതമായി സൂര്യപ്രകാശം ഏല്‍ക്കുമ്പോള്‍ നിങ്ങളുടെ ശരീരം കൂടുതല്‍ മെലനിന്‍ ഉത്പാദിപ്പിക്കുന്നു. ഇത് നിങ്ങളുടെ നിറം ഇരുണ്ടതാക്കാം.
പ്രായം: പ്രായമാകുമ്പോള്‍, നിങ്ങളുടെ നിറം മാറാം. നിങ്ങളുടെ ചര്‍മ്മത്തിലെ മെലനിന്‍ ഉത്പാദനം കുറയുന്നത് കാരണം നിങ്ങളുടെ നിറം ഇളം നിറമാകും.
ആരോഗ്യം: നിങ്ങളുടെ ആരോഗ്യവും നിങ്ങളുടെ നിറത്തെ ബാധിക്കും. നിങ്ങള്‍ക്ക് ആരോഗ്യപ്രശ്നങ്ങളുണ്ടെങ്കില്‍, നിങ്ങളുടെ നിറം മാറാം. ഉദാഹരണത്തിന്, അനീമിയ ഉള്ള ആളുകള്‍ക്ക് പലപ്പോഴും ഇളം നിറമായിരിക്കും.
നിറം മെച്ചപ്പെടുത്താന്‍ ശ്രദ്ധിക്കേണ്ടവ
നന്നായി പഴം പച്ചക്കറികള്‍ കഴിക്കാന്‍ മറക്കരുത്. അതുപോലെ തന്നെ ചര്‍മ്മത്തെ സൂര്യപ്രകാശത്തില്‍ നിന്നും സംരക്ഷിച്ച് നിര്‍ത്തണം. ചര്‍മ്മത്തിന്റെ ആരോഗ്യം മെച്ചപ്പെടുത്താന്‍ ആഹാരം പോലെ തന്നെ വെള്ളവും പ്രധാനപ്പെട്ടതാണ്. അതിനാല്‍, നന്നായി വെള്ളം കുടിക്കാന്‍ മറക്കരുത്. ചര്‍മ്മം എല്ലായ്പ്പോഴും ഹൈഡ്രേറ്റ് ചെയ്ത് നിലനിര്‍ത്തുക. അതുപോലെ, ചര്‍മ്മത്തില്‍ നിന്നും മൃതകോശങ്ങള്‍ നീക്കം ചെയ്യുന്നതും അഴുക്ക് നീക്കം ചെയ്യുന്നതും ചര്‍മ്മത്തിന്റെ ആരോഗ്യം മെച്ചപ്പെടുത്താനും നിങ്ങളുട നിറം മെച്ചപ്പെടുത്താനും സഹായിക്കുന്നു.
Read Also: രണ്ട് മൂക്കുള്ള പൂച്ചക്കുട്ടിയെ കണ്ടവരുണ്ടോ? ഇല്ലേ ഇങ്ങോട്ട് വായോ
