​”ബസ് സ്റ്റാൻഡിൽ വിശന്നു കിടന്ന രാത്രികൾ… തല്ലി ചതച്ച ഏട്ടൻ…” ഗ്ലാമർ ഫോട്ടോഷൂട്ടുകൾക്കും ചിരിക്കും പിന്നിൽ കണ്ണീരിന്റെ വലിയൊരു കഥയുണ്ട്… ജീവിതവേദന തുറന്ന് പറഞ്ഞ് ദീപ്തി കല്യാണി

​”ബസ് സ്റ്റാൻഡിൽ വിശന്നു കിടന്ന രാത്രികൾ… തല്ലി ചതച്ച ഏട്ടൻ…” ഗ്ലാമർ ഫോട്ടോഷൂട്ടുകൾക്കും ചിരിക്കും പിന്നിൽ കണ്ണീരിന്റെ വലിയൊരു കഥയുണ്ട്… ജീവിതവേദന തുറന്ന് പറഞ്ഞ് ദീപ്തി കല്യാണി

കൊച്ചി: വ്യത്യസ്ത ഫോട്ടോഷൂട്ടുകളും റിയാലിറ്റി ഷോകളിലെ ഡാൻസ് പ്രകടനങ്ങളും കൊണ്ട് ശ്രദ്ധ നേടിയ ദീപ്തി കല്യാണി, തന്റെ ജീവിതത്തിൽ നേരിട്ട കഠിനാനുഭവങ്ങൾ തുറന്ന് പറഞ്ഞിരിക്കുകയാണ്. സോഷ്യൽ മീഡിയയിൽ ഏറെ ശ്രദ്ധ നേടിയ സിൽക്ക് സ്മിത ലുക്കിലുള്ള ഫോട്ടോഷൂട്ടുകൾക്കപ്പുറം, വലിയ പോരാട്ടങ്ങളാണ് ഈ നിലയിലേക്ക് എത്താൻ താരം നേരിട്ടത്.

ബാല്യത്തിൽ തന്നെ ലിംഗപരമായ തിരിച്ചറിവ് കാരണം കുടുംബത്തിലും നാട്ടിലും പരിഹാസവും അതിക്രമവും നേരിടേണ്ടി വന്നതായി ദീപ്തി പറയുന്നു. “ഏട്ടൻ മദ്യപിച്ച് വീട്ടിലെത്തുമ്പോൾ ദേഷ്യം തീർക്കുന്നത് എന്റെ ശരീരത്തിലായിരുന്നു. ഒന്നര വർഷത്തോളം അടിയും തല്ലും സഹിക്കേണ്ടി വന്നു. നാട്ടിൽ നിന്ന് കല്ലെറിഞ്ഞും അപമാനിച്ചും പുറത്താക്കി,” എന്ന് ദീപ്തി വെളിപ്പെടുത്തി.

ജീവിതത്തിലെ ഏറ്റവും കഠിനമായ ഘട്ടങ്ങളിൽ ഒന്നായി ഗുരുവായൂർ ബസ് സ്റ്റാൻഡിലെ ദിനങ്ങൾ ദീപ്തി ഓർക്കുന്നു. “16-17 വയസിൽ ഭക്ഷണം പോലും കിട്ടാതെ ന്യൂസ് പേപ്പർ വിരിച്ച് കിടന്നിട്ടുണ്ട്. ബസ് കഴുകി അതിൽ തന്നെ ഉറങ്ങി. ഒരിക്കൽ കുടുംബം തിരികെ വിളിക്കും എന്ന പ്രതീക്ഷയായിരുന്നു എന്നെ മുന്നോട്ട് നയിച്ചത്,” എന്ന് അവർ പറഞ്ഞു.

പിന്നീട് ട്രാൻസ്‌ജെൻഡർ കമ്മ്യൂണിറ്റിയിലെ സുഹൃത്തുക്കൾ ജീവിതത്തിൽ വലിയ പിന്തുണയായി. ചെറിയ വരുമാനം ലഭിക്കാൻ തുടങ്ങിയതോടെ സ്ത്രീസ്വഭാവം പ്രകടിപ്പിക്കാൻ തുടങ്ങി. എന്നാൽ സമൂഹത്തിന്റെ പരിഹാസവും വിമർശനവും തുടർന്നതായും അവർ പറഞ്ഞു.

ജീവിതത്തിൽ ഒരു ഘട്ടത്തിൽ ആത്മഹത്യചിന്ത വരെ എത്തിയതായും ദീപ്തി തുറന്ന് പറഞ്ഞു. “ഒരു ദിവസം കുടുംബം എന്നെ കണ്ടിട്ടും സംസാരിക്കാതെ പോയപ്പോൾ തകർന്നു. റെയിൽവേ ട്രാക്കിലൂടെ നടക്കുമ്പോൾ ഒരാൾ രക്ഷപ്പെടുത്തി,” എന്നാണ് അവർ പറഞ്ഞത്.

സ്വകാര്യ ജീവിതത്തിലെ വേദനകളും താരം പങ്കുവെച്ചു. മൂന്ന് വർഷം കൂടെയുണ്ടായിരുന്ന പങ്കാളി പിന്നീട് വഞ്ചിച്ചതായും, ആ ബന്ധം അവസാനിപ്പിക്കേണ്ടിവന്നതായും ദീപ്തി വ്യക്തമാക്കി. “അത് ഇന്നും വേദനയുണ്ട്,” എന്നും അവർ കൂട്ടിച്ചേർത്തു.

ഇന്ന് സ്വന്തം കുടുംബത്തിനുള്ള തീരുമാനങ്ങൾ താനാണ് എടുക്കുന്നതെന്നും, എല്ലാവരും സന്തോഷത്തോടെയാണെന്നും ദീപ്തി പറഞ്ഞു. കഠിനാനുഭവങ്ങളെ മറികടന്ന് സ്വന്തം വ്യക്തിത്വം സ്ഥാപിച്ച ജീവിതമാണ് ദീപ്തി കല്യാണിയുടേത്.

English Summary
Transgender actress Deepthi Kalyani revealed the hardships she faced growing up, including abuse, homelessness, and social rejection. She recalled sleeping hungry at a bus stand and surviving through difficult circumstances before gaining recognition. She also spoke about betrayal in her personal relationship. Her story reflects resilience and determination.