തിരുവനന്തപുരം: സംസ്ഥാനത്ത് ഡിസംബര് മാസത്തെ റേഷന് നാളെ വരെ ലഭിക്കുമെന്ന് ഭക്ഷ്യമന്ത്രി ജി ആര് അനില്. ചില പ്രദേശങ്ങളില് റേഷന് സാധനങ്ങള് എത്താന് വൈകിയെന്ന പരാതിയുടെ അടിസ്ഥാനത്തിലാണ് വിതരണം നീട്ടിയത്. ജനുവരിയിലെ റേഷന് വിതരണം ശനിയാഴ്ച മുതല് ആരംഭിക്കും.(December ration distribution till tomorrow)
മാസാന്ത്യ കണക്കെടുപ്പുമായി ബന്ധപ്പെട്ട് റേഷന് കടകള് മൂന്നാം തീയതി ( വെള്ളിയാഴ്ച) അവധിയായിരിക്കും. വെള്ള കാര്ഡ് ഉടമകള്ക്ക് റേഷന് വിഹിതമായി 6 കിലോ അരി ലഭിക്കും. കിലോയ്ക്ക് 10.90 രൂപ നിരക്കിലാണ് വിതരണം നടത്തുക.
നീല കാര്ഡ് ഉടമകള്ക്ക് അധിക വിഹിതമായി 10.90 രൂപ നിരക്കിൽ മൂന്നു കിലോ അരിയും ലഭിക്കും. നീല കാര്ഡിലെ ഓരോ അംഗത്തിനും 2 കിലോഗ്രാം അരി വീതം കിലോയ്ക്ക് നാലു രൂപ നിരക്കില് സാധാരണ വിഹിതമായും ലഭിക്കും.
