ക്രിസ്മസ് സ്പെഷൽ; 10.90 രൂപ നിരക്കില് അധികം അരി; റേഷന് വിതരണം മറ്റന്നാൾ മുതല്
തിരുവനന്തപുരം: ഡിസംബർ മാസത്തിലെ റേഷൻ വിതരണം സംസ്ഥാനത്ത് ചൊവ്വാഴ്ച മുതൽ ആരംഭിക്കും.
ക്രിസ്മസ് പ്രമാണിച്ച് നീല കാർഡുടമകൾക്ക് 5 കിലോയും വെള്ള കാർഡുടമകൾക്ക് 10 കിലോയും അധിക അരി ലഭിക്കും.
കിലോയ്ക്ക് ₹10.90 നിരക്കിലാണ് വിതരണം. എല്ലാ കാർഡുടമകൾക്കും 1 ലിറ്റർ മണ്ണെണ്ണയും അനുവദിക്കും.
ഇതോടൊപ്പം സപ്ലൈകോ വഴി ഓരോ കാർഡിനും 2 ലിറ്റർ വെളിച്ചെണ്ണ ലിറ്ററിന് ₹319 നിരക്കിൽ ലഭ്യമാക്കും.
സഞ്ചരിക്കുന്ന സൂപ്പർമാർക്കറ്റുകൾ വഴിയും സബ്സിഡി സാധനങ്ങളും ബ്രാൻഡഡ് നിത്യോപയോഗ ഉൽപ്പന്നങ്ങളും ലഭ്യമാണ്.
ഓരോ കാർഡിനും ₹25-ക്ക് 20 കിലോ പച്ചരി/പുഴുങ്ങൽ അരി ലഭിക്കും. വനിതകൾക്ക് സബ്സിഡിയിതര ഉൽപ്പന്നങ്ങളിൽ 10% അധിക വിലക്കുറവും ഏർപ്പെടുത്തിയിട്ടുണ്ട്.
₹1000-ൽ മുകളിൽ സബ്സിഡിയിതര സാധനങ്ങൾ വാങ്ങുന്നവർക്ക് 1 കിലോ പഞ്ചസാര ₹5-ക്ക് ലഭിക്കും.
₹500-ൽ മുകളിൽ സബ്സിഡി സാധനങ്ങൾ വാങ്ങുന്നവർക്ക് 250 ഗ്രാം ശബരി ഗോൾഡ് തേയില 25% വിലക്കുറവിൽ ലഭിക്കും.
ഡിസംബർ 21 മുതൽ ജനുവരി 1 വരെ തിരുവനന്തപുരം, കൊല്ലം, പത്തനംതിട്ട, എറണാകുളം, കോട്ടയം, തൃശൂർ ജില്ലകളിൽ പ്രത്യേക ക്രിസ്മസ് ചന്തകൾ സംഘടിപ്പിക്കും.
താലൂക്ക് തലത്തിലും തിരഞ്ഞെടുത്ത സൂപ്പർമാർക്കറ്റുകളിലും ചന്തകൾ ഉണ്ടായിരിക്കും. 250-ലധികം ഉൽപ്പന്നങ്ങൾക്ക് വിലക്കുറവും പ്രത്യേക ഓഫറുകളും ലഭിക്കും.
English Summary
The December ration distribution in Kerala will begin on Tuesday. For Christmas, blue card holders will receive an additional 5 kg of rice and white card holders 10 kg at ₹10.90 per kg. All cardholders will get 1 liter of kerosene. Supplyco will issue 2 liters of coconut oil per card at ₹319 per liter. Mobile supermarkets will offer subsidized and branded items. Each cardholder can purchase 20 kg of rice for ₹25, and women will get an additional 10% discount on non-subsidized items. Purchases above ₹1000 will earn 1 kg sugar for ₹5, and purchases above ₹500 will get 250 g Shabari Gold tea at 25% discount. Special Christmas markets will be held from December 21 to January 1 across six districts offering discounts on over 250 products.
december-ration-distribution-kerala-christmas-offers
Kerala, Ration Distribution, Supplyco, Christmas Market, Subsidy, Food Supplies, Government Scheme, Kerala News
