പാലക്കാട്: പോലീസ് സ്റ്റേഷനിലെത്തി കസ്റ്റഡി വാഹനങ്ങൾക്ക് തീയിട്ടയാൾ പിടിയിൽ. പാലക്കാട് വാളയാറിലാണ് സംഭവം. വാളയാർ പൊലീസ് സ്റ്റേഷന് സമീപം ദേശീയ പാതയിൽ നിർത്തിയിട്ടിരുന്ന രണ്ടു വാഹനങ്ങൾക്കാണ് തീവെച്ചത്.(Custody vehicle set on fire at police station)
സംഭവത്തിൽ വാഹനം കത്തിച്ചതായി സംശയിക്കുന്ന ചുള്ളിമട സ്വദേശി പോളാണ് പിടിയിലായത്. ഇയാൾ മദ്യലഹരിയിലാണ് വാഹനം കത്തിച്ചതെന്നാണ് സൂചന. മദ്യപിച്ച് ബഹളം വെച്ചതിനെ തുടർന്ന് പോലീസ് ഇയാളെ കസ്റ്റഡിയിലെടുത്തിരുന്നു. ഇതിന്റെ ദേഷ്യത്തിലാണ് ഇയാൾ വാഹനങ്ങൾക്ക് തീയിട്ടത്.
പോൾ കുറ്റം സമ്മതിച്ചതായി പൊലീസ് പറഞ്ഞു. തീയിട്ട വാഹനങ്ങൾ പൂർണമായും കത്തി നശിച്ചു.
