ചോറിനും ചപ്പാത്തിക്കും ഒപ്പം രുചിയൂറും കറിവേപ്പില ചിക്കന്‍ ആണ് ഇത്തവണ വായനക്കാര്‍ക്കായി പരിചയപ്പെടുത്തുന്നത്.
ആവശ്യമായ സാധനങ്ങള്‍
1. ചിക്കന്‍ – ഒരു കിലോ
2. ഇഞ്ചി – ഒരിഞ്ചു കഷണം
വെളുത്തുള്ളി – ഒരു കുടം
പച്ചമുളക് – പത്ത്
കറിവേപ്പില – 10 തണ്ട്
വറ്റല്‍മുളക് – മൂന്ന്
ചുവന്നുള്ളി – ഒരു കപ്പ്
3. ഉപ്പ് – പാകത്തിന്
മഞ്ഞള്‍പ്പൊടി – അര ചെറിയ സ്പൂണ്‍
കുരുമുളകുപൊടി – ഒരു ചെറിയ സ്പൂണ്‍
പെരുംജീരകംപൊടി – ഒരു ചെറിയ സ്പൂണ്‍
4. എണ്ണ – പാകത്തിന്
5. ചുവന്നുള്ളി, അരിഞ്ഞത് – ഒരു കപ്പ്
6. കറിവേപ്പില – രണ്ടു തണ്ട്
പാകം ചെയ്യുന്ന വിധം
ചിക്കന്‍ വൃത്തിയാക്കി ചെറിയ കഷണങ്ങളാക്കി മുറിച്ചു വയ്ക്കുക.
രണ്ടാമത്തെ ചേരുവ ചതച്ച് എടുക്കണം.
ഒരു വലിയ ബൗളില്‍ ചിക്കനും ചതച്ചു വച്ചിരിക്കുന്ന ചേരുവകളും മൂന്നാമത്തെ ചേരുവയും ചേര്‍ത്തു നന്നായി യോജിപ്പിച്ച് അര മണിക്കൂര്‍ വയ്ക്കുക.
ഇത് ഒരു ചീനച്ചട്ടിയിലാക്കി അല്‍പം വെള്ളം ഒഴിച്ച് വേവിക്കുക.
മുക്കാല്‍ വേവാകുമ്പോള്‍ തീ അണയ്ക്കുക.
മറ്റൊരു പാനില്‍ എണ്ണ ചൂടാക്കി ചുവന്നുള്ളി വഴറ്റമം.
ഗോള്‍ഡന്‍ നിറമാകുമ്പോള്‍ കറിവേപ്പില ചേര്‍ത്തു മൂപ്പിക്കുക.
ഇതിലേക്ക് ചിക്കന്‍ കഷണങ്ങളും ചേര്‍ത്തു വറുത്തെടുക്കുക.
