തിരഞ്ഞെടുപ്പ് ചൂടിൽ കോൺഗ്രസ്; ഇന്ദിരാഭവനിൽ ഇന്ന് പടയൊരുക്കം

തിരുവനന്തപുരം: നിയമസഭാ തെരഞ്ഞെടുപ്പിന്റെ കാഹളം മുഴങ്ങുന്നതിന് മുൻപേ പോരാട്ടവീര്യവുമായി കോൺഗ്രസ് കളത്തിലിറങ്ങുന്നു.

സ്ഥാനാർത്ഥി നിർണ്ണയത്തിലും പ്രചാരണ തന്ത്രങ്ങളിലും വ്യക്തമായ മേൽക്കൈ നേടാൻ ലക്ഷ്യമിട്ട് കെപിസിസി ആസ്ഥാനമായ ഇന്ദിരാഭവനിൽ ഇന്ന് നിർണ്ണായക യോഗങ്ങൾ നടക്കും.

ഹൈക്കമാൻഡ് നേരിട്ട് കളത്തിലേക്ക്; ചെന്നിത്തലയും വേണുഗോപാലും നയിക്കുന്ന തിരഞ്ഞെടുപ്പ് തന്ത്രങ്ങൾ

തിരഞ്ഞെടുപ്പ് പ്രചാരണ സമിതിയുടെ ആദ്യ യോഗമാണ് ഇന്ന് നടക്കുന്നത്. പ്രചാരണ സമിതി അധ്യക്ഷൻ രമേശ് ചെന്നിത്തലയുടെ അധ്യക്ഷതയിൽ ചേരുന്ന യോഗത്തിൽ നിർണ്ണായക തീരുമാനങ്ങൾ ഉണ്ടാകും.

എഐസിസി സംഘടനാ ചുമതലയുള്ള ജനറൽ സെക്രട്ടറി കെ സി വേണുഗോപാൽ, കേരളത്തിന്റെ ചുമതലയുള്ള ദീപാദാസ് മുൻഷി എന്നിവരുടെ സാന്നിധ്യം ഹൈക്കമാൻഡിന്റെ നേരിട്ടുള്ള ഇടപെടൽ വ്യക്തമാക്കുന്നു.

കെപിസിസി അധ്യക്ഷൻ സണ്ണി ജോസഫ്, കൺവീനർ ഷാഫി പറമ്പിൽ എംപി തുടങ്ങിയ പ്രമുഖ നേതാക്കൾ ഇന്ന് ഉച്ചയോടെ ഇന്ദിരാഭവനിൽ എത്തും.

ഗ്രൂപ്പ് സമവാക്യങ്ങൾക്കപ്പുറം വിജയസാധ്യത മാത്രം മാനദണ്ഡമാക്കി പ്രചാരണം കൊഴുപ്പിക്കാനാണ് കോൺഗ്രസ് ലക്ഷ്യമിടുന്നത്.

ഉത്സവം കാണാൻ പോയവർക്ക് നേരെ പാഞ്ഞടുത്ത് കാർ; ഇളമണ്ണൂരിൽ ദാരുണാന്ത്യം, കുട്ടി രക്ഷപ്പെട്ടത് അത്ഭുതകരമായി

സിറ്റിംഗ് എംഎൽഎമാർക്ക് വീണ്ടും നറുക്ക്; തൃപ്പൂണിത്തുറയിൽ കെ ബാബു തന്നെ പോരാളിയാകും

സ്ഥാനാർത്ഥി നിർണ്ണയത്തിൽ ഇത്തവണ വലിയ പരീക്ഷണങ്ങൾക്ക് കോൺഗ്രസ് മുതിരില്ലെന്നാണ് സൂചന.

പാലക്കാട് എംഎൽഎ ആയിരുന്ന രാഹുൽ മാങ്കൂട്ടത്തിൽ ഒഴികെ ബാക്കിയുള്ള 20 സിറ്റിംഗ് എംഎൽഎമാരെയും വീണ്ടും മത്സരിപ്പിക്കാനാണ് ധാരണ.

മത്സരരംഗത്തുനിന്ന് വിട്ടുനിൽക്കാൻ നേരത്തെ താൽപ്പര്യം പ്രകടിപ്പിച്ചിരുന്ന മുതിർന്ന നേതാവ് കെ. ബാബു തൃപ്പൂണിത്തുറയിൽ തന്നെ ജനവിധി തേടും.

മണ്ഡലത്തിലെ സ്വാധീനവും വികസന പ്രവർത്തനങ്ങളും പരിഗണിച്ച് ബാബുവിനെ തന്നെ ഇറക്കാൻ നേതൃത്വം സമ്മർദ്ദം ചെലുത്തുകയായിരുന്നു.

‘പുതുയുഗ യാത്ര’ സമാപിക്കുന്നു; ആദ്യഘട്ട സ്ഥാനാർത്ഥി പട്ടികയുമായി വി.ഡി. സതീശൻ മുന്നിലേക്ക്

പ്രതിപക്ഷ നേതാവ് വി ഡി സതീശൻ നയിക്കുന്ന ‘പുതുയുഗ യാത്ര’ സമാപിക്കുന്നതോടെ കേരള രാഷ്ട്രീയത്തിൽ പുതിയൊരു അധ്യായം കുറിക്കാനാണ് യുഡിഎഫ് നീക്കം.

യാത്രയുടെ സമാപന വേദിയിൽ വെച്ചോ അതിന് തൊട്ടുപിന്നാലെയോ ആദ്യഘട്ട സ്ഥാനാർത്ഥി പട്ടിക പുറത്തിറക്കി എതിരാളികളെ ഞെട്ടിക്കാനാണ് കോൺഗ്രസ് പ്ലാൻ ചെയ്യുന്നത്.

ഇടതുമുന്നണി സ്ഥാനാർത്ഥികളെ പ്രഖ്യാപിക്കുന്നതിന് മുൻപേ പ്രചാരണത്തിൽ ബഹുദൂരം മുന്നിലെത്തുകയാണ് ലക്ഷ്യം.

മുന്നണി വിപുലീകരണത്തെക്കുറിച്ചുള്ള ഗൗരവകരമായ ചർച്ചകളും ഇന്നത്തെ യോഗത്തിന്റെ അജണ്ടയിലുണ്ട്.

English Summary

With the Kerala Assembly elections approaching, the Congress party has initiated high-level strategy meetings at Indira Bhavan, Thiruvananthapuram. Chaired by Ramesh Chennithala and attended by AICC leaders K.C. Venugopal and Deepa Dasmunsi, the discussions focus on candidate selection and campaign strategies.