വൃത്തിയില്ലാത്ത ടോയ്ലറ്റ് ഫോട്ടോ എടുത്താൽ 1000 രൂപ! ‘ക്ലീൻ ടോയ്ലറ്റ് ചലഞ്ച്’ പദ്ധതിയുമായി കേന്ദ്രം
ന്യൂഡൽഹി: ഹൈവേ യാത്രകളിൽ വൃത്തിയുള്ള ശുചിമുറികളുടെ അഭാവം പരിഹരിക്കാൻ കേന്ദ്ര ഉപരിതല ഗതാഗത മന്ത്രാലയം പുതിയ പദ്ധതി പ്രഖ്യാപിച്ചു. ‘ക്ലീൻ ടോയ്ലറ്റ് പിക്ചർ ചലഞ്ച്’ എന്ന പദ്ധതിയിലൂടെ യാത്രക്കാരുടെ പങ്കാളിത്തത്തോടെ ടോൾ പ്ലാസകളിലെ ശുചിത്വം ഉറപ്പാക്കുകയാണ് ലക്ഷ്യം.
ടോൾ പ്ലാസകളിലെ വൃത്തിഹീനമായ ശുചിമുറികൾ ശ്രദ്ധയിൽപ്പെട്ടാൽ യാത്രക്കാർ അതിന്റെ ചിത്രം പകർത്തി Rajmarg Yatra App-ൽ അപ്ലോഡ് ചെയ്യാം. പരാതി അധികൃതർ പരിശോധിച്ച് ശരിയാണെന്ന് സ്ഥിരീകരിച്ചാൽ ഉപയോക്താവിന് 1,000 രൂപ ഫാസ്റ്റാഗ് ക്രെഡിറ്റായി ലഭിക്കും.
രാജ്യത്ത് എക്സ്പ്രസ് വേകളും ദേശീയപാതകളും വികസിക്കുന്ന സാഹചര്യത്തിൽ അടിസ്ഥാന സൗകര്യങ്ങളുടെ നിലവാരം മെച്ചപ്പെടുത്താൻ ഈ പദ്ധതി സഹായകരമാകുമെന്നാണ് വിലയിരുത്തൽ.
പൊതു സൗകര്യങ്ങൾ മെച്ചപ്പെടുത്തുന്നതിൽ പൊതുജനങ്ങളുടെ പങ്കാളിത്തം ഉറപ്പാക്കുക എന്ന ലക്ഷ്യത്തോടെ കൊണ്ടുവന്ന പദ്ധതിയാണ് ഇതെന്ന് മന്ത്രാലയം വ്യക്തമാക്കി.
English Summary
The Indian government has launched a ‘Clean Toilet Picture Challenge’ where travelers can report dirty toilets at toll plazas via the Rajmarg Yatra App and earn ₹1000 FASTag credit.
Clean Toilet Challenge, Rajmarg Yatra App, Highway Facilities, India Travel, FASTag, Public Infrastructure, Government Scheme
