ബംഗളൂരു: ദക്ഷിണേന്ത്യയിലെ റിയൽ എസ്റ്റേറ്റ് കോൺഫിഡന്റ് ഗ്രൂപ്പ് ചെയർമാൻ ഡോ. സി.ജെ റോയിയുടെ അപ്രതീക്ഷിത മരണം ബിസിനസ്സ് ലോകത്തെ പിടിച്ചുലച്ചിരിക്കുകയാണ്.
ആദായനികുതി വകുപ്പ് ഉദ്യോഗസ്ഥർക്ക് മുന്നിൽ വെച്ച് അദ്ദേഹം സ്വയം വെടിയുതിർത്ത് ജീവിതം അവസാനിപ്പിച്ചതിന് പിന്നിൽ ഗുരുതരമായ ആരോപണങ്ങളാണ് ഉയരുന്നത്.
ദുബായിൽ നിന്ന് വിളിപ്പിച്ചു, മൂന്നാം ദിവസം മരണം: എന്താണ് റെയ്ഡിനിടെ സംഭവിച്ചത്?
അതിസമ്പന്നനായ ഒരു വ്യവസായിയുടെ ആത്മഹത്യയിലേക്ക് നയിച്ചത് മൂന്ന് ദിവസമായി നീണ്ടുനിന്ന ആദായനികുതി വകുപ്പിന്റെ ‘വേട്ടയാടൽ’ ആണോ എന്ന ചോദ്യമാണ് ഇപ്പോൾ ഉയരുന്നത്.
ദുബായിലായിരുന്ന റോയിയെ നോട്ടീസ് നൽകി വിളിച്ചുവരുത്തി ഉദ്യോഗസ്ഥർ ചോദ്യം ചെയ്തു വരികയായിരുന്നു.
പരിശോധനയ്ക്കിടെ ഫയലുകൾ എടുക്കാൻ തന്റെ മുറിയിലേക്ക് കയറിയ റോയിയെ പിന്നീട് നെഞ്ചിൽ വെടിയേറ്റ നിലയിലാണ് കണ്ടത്. ഉദ്യോഗസ്ഥർ പുറത്തു നിൽക്കുമ്പോഴായിരുന്നു ഈ ദാരുണമായ അന്ത്യം.
“ഉദ്യോഗസ്ഥർ കൊന്നതാണ്”; ആദായനികുതി വകുപ്പിനെ പ്രതിക്കൂട്ടിലാക്കി കുടുംബം!
സി.ജെ റോയിയുടെ മരണത്തിന് പിന്നിൽ ഐടി ഉദ്യോഗസ്ഥരുടെ ക്രൂരമായ മാനസിക സമ്മർദ്ദമാണെന്ന് കുടുംബവും കോൺഫിഡന്റ് ഗ്രൂപ്പും പരസ്യമായി ആരോപിച്ചു.
കോടതിയുടെ പരിഗണനയിലിരിക്കുന്ന കേസുകളുടെ പേരിൽ ഉദ്യോഗസ്ഥർ അദ്ദേഹത്തെ ഭീഷണിപ്പെടുത്തിയിരുന്നോ എന്ന് പോലീസ് പരിശോധിക്കുന്നുണ്ട്.
ഹൈക്കോടതി ഉത്തരവിന് പിന്നാലെ പുതിയ നീക്കം; ‘ജനനായകൻ’ വിഷയത്തിൽ സെൻസർ ബോർഡ് തടസഹർജി
കേരളത്തിൽ നിന്നുള്ള ഉദ്യോഗസ്ഥരാണ് റെയ്ഡിന് എത്തിയതെന്നതും സംഭവത്തിന് പുതിയ ഗൗരവം നൽകുന്നു.
ബംഗളൂരു പോലീസ് കാബിനിൽ; തോക്കും തെളിവുകളും കസ്റ്റഡിയിൽ!
സംഭവം നടന്ന ലാങ്ഫഡ് ടൗണിലെ ആസ്ഥാനം ഇപ്പോൾ പോലീസ് നിരീക്ഷണത്തിലാണ്.
ഫോറൻസിക് വിദഗ്ധരും ബാലിസ്റ്റിക് സംഘവും മണിക്കൂറുകളോളം നടത്തിയ പരിശോധനയിൽ റോയി ഉപയോഗിച്ച തോക്ക് കണ്ടെടുത്തു.
ആത്മഹത്യയാണെന്ന് പ്രാഥമികമായി കരുതുമ്പോഴും, ഉദ്യോഗസ്ഥരുടെ മൊഴിയിലെ വൈരുദ്ധ്യങ്ങളും മറ്റ് സാഹചര്യങ്ങളും സിറ്റി പോലീസ് കമ്മീഷണർ നേരിട്ട് അന്വേഷിക്കുന്നുണ്ട്.
English Summary
Malayali business tycoon Dr. C.J. Roy, Chairman of the Confident Group, died by suicide at his Bangalore headquarters. The incident occurred while Income Tax officials were conducting a raid. Roy allegedly shot himself in the chest after being called back from Dubai for questioning. His family has accused the IT department of extreme harassment. Bangalore police have seized the weapon and are investigating the circumstances surrounding the death.
