ടോഗോ സ്വദേശിനി ഇന്ത്യയിലേക്ക് വന്നത് രണ്ടു കോടി രൂപയുടെ മയക്കുമരുന്നുമായി; നെടുമ്പാശേരിയിൽ ഇൻലൈൻ സ്ക്രീനിങ്ങിനിടെ കുടുങ്ങി
കൊച്ചി ∙ കൊച്ചി അന്താരാഷ്ട്ര വിമാനത്താവളത്തിലെ (CIAL) ആഭ്യന്തര ടെർമിനലിൽ രജിസ്റ്റർഡ് ബാഗേജ് പരിശോധനയ്ക്കിടെ ലഹരിമരുന്ന് പിടികൂടി. ഇന്നലെ വൈകിട്ട് ആറുമണിയോടെയായിരുന്നു സംഭവം.
സിഐഎഎൽ സുരക്ഷാ വിഭാഗത്തിന്റെ ഇൻലൈൻ സ്ക്രീനിങ്ങിനിടെയാണ് ബാഗേജിന്റെ വ്യാജ അടിത്തട്ടിൽ ഒളിപ്പിച്ച നിലയിൽ ലഹരിവസ്തു കണ്ടെത്തിയത്.
ലെവൽ–4ൽ നടത്തിയ ശാരീരിക പരിശോധനയിൽ രണ്ട് പാക്കറ്റുകളാണ് കണ്ടെത്തിയത്.
തുടർന്ന് ഡ്യൂട്ടി മാനേജർ കസ്റ്റംസ് അധികൃതരെ വിവരമറിയിക്കുകയും, യാത്രക്കാരിയെയും പിടിച്ചെടുത്ത ലഹരിവസ്തുവും ബാഗേജും തുടർനടപടികൾക്കായി കസ്റ്റംസിന് കൈമാറുകയും ചെയ്തു.
ദോഹയിൽ നിന്ന് കൊച്ചിയിലെത്തിയ യാത്രക്കാരി, എയർ ഇന്ത്യയുടെ AI 1828 വിമാനത്തിൽ ഡൽഹിയിലേക്ക് പോകാനായി ആഭ്യന്തര ടെർമിനലിൽ റിപ്പോർട്ട് ചെയ്തപ്പോഴാണ് പരിശോധന നടന്നത്.
കസ്റ്റംസ് അധികൃതരുടെ പ്രാഥമിക പരിശോധനയിൽ പിടിച്ചെടുത്തത് മെഥാക്വാളോൺ (Methaqualone) എന്ന നിരോധിത ലഹരിമരുന്നാണെന്ന് സ്ഥിരീകരിച്ചു.
ഏകദേശം 3.98 കിലോഗ്രാം തൂക്കം വരുന്ന ലഹരിവസ്തുവിന് രണ്ട് കോടി രൂപയോളം വില കണക്കാക്കുന്നതായും കസ്റ്റംസ് അറിയിച്ചു. സംഭവത്തിൽ NDPS നിയമപ്രകാരം സെക്ഷൻ 20(b) iiB അനുസരിച്ച് OS നമ്പർ 04/2026 ആയി കേസ് രജിസ്റ്റർ ചെയ്തിട്ടുണ്ട്.
നിലവിൽ യാത്രക്കാരി കസ്റ്റംസ് കസ്റ്റഡിയിലാണെന്നും നാളെ കോടതിയിൽ ഹാജരാക്കുമെന്നും അധികൃതർ അറിയിച്ചു.
English Summary
Contraband drugs were seized at Cochin International Airport during baggage screening at the domestic terminal. The incident occurred around 6 PM when CIAL security detected suspicious items concealed in a false bottom of a registered baggage. Two packets were recovered during physical inspection.
The passenger had arrived in Kochi from Doha and was scheduled to travel to Delhi on Air India flight AI 1828. Customs officials identified the seized substance as Methaqualone weighing 3.98 kg, valued at approximately ₹2 crore. A case has been registered under NDPS Act Section 20(b) iiB. The passenger remains in customs custody and will be produced before court tomorrow.
cial-domestic-terminal-methaqualone-seizure-doha-delhi
Cochin International Airport, CIAL, Drug seizure, Methaqualone, Customs, NDPS Act, Airport security, Smuggling, Kerala crime news
