സ്കൂളിൽ ചിക്കൻ പോക്സ് വ്യാപനം
മലപ്പുറം: മലപ്പുറത്ത് സ്കൂളിൽ ചിക്കൻ പോക്സ് വ്യാപനം. മലപ്പുറം ആതവനാട് ഗവൺമെന്റ് ഹൈസ്കൂളിലെ 57 കുട്ടികൾക്ക് ആണ് രോഗം സ്ഥിരീകരിച്ചത്.
ഇതേ തുടർന്ന് സ്കൂളിലെ എൽപി, യുപി വിഭാഗങ്ങൾ ഒരാഴ്ചത്തേക്ക് അടച്ചു. ഹൈസ്കൂൾ ക്ലാസുകൾ ആരോഗ്യവകുപ്പിന്റെ കർശന നിർദേശങ്ങൾ പാലിച്ചാണ് പ്രവർത്തിക്കുന്നത്.
പനിയോ രോഗ ലക്ഷണങ്ങളോ ഉള്ള കുട്ടികൾ വീട്ടിൽ തന്നെ തുടരണമെന്നും സ്കൂളിലെത്തുന്ന മുഴുവൻ കുട്ടികളും അധ്യാപകരും രക്ഷിതാക്കളും മാസ്ക് നിർബന്ധമായും ധരിക്കണമെന്നും ആരോഗ്യ വകുപ്പ് നിർദേശം നൽകിയിട്ടുണ്ട്.
സ്കൂളിലെ ഡെസ്കിൽ നിന്ന് സൂക്ഷ്മ ജീവികളുടെ കടിയേറ്റു
ആലപ്പുഴ: സ്കൂളിലെ ഡെസ്കിൽ നിന്ന് സൂക്ഷ്മ ജീവികളുടെ കടിയേറ്റ വിദ്യാർത്ഥികളെ ആശുപത്രിയിൽ പ്രവേശിപ്പിച്ചു. ആലപ്പുഴ ചേർത്തല പട്ടണക്കാട് ഗവ. ഹയർ സെക്കൻ്ററി സ്കൂളിലാണ് സംഭവം.
30 ഓളം വിദ്യാർത്ഥികളെയാണ് തുറവൂർ താലൂക്കാശുപത്രിയിൽ പ്രവേശിപ്പിച്ചത്. ക്ലാസ് മുറിയിലെ ഡെസ്കിൽ ഉണ്ടായിരുന്ന ജീവികളാണ് കടിച്ചതെന്ന് വിദ്യാർത്ഥികൾ പറയുന്നു.
ഇതേ തുടർന്ന് പല കുട്ടികൾക്കും, ചൊറിച്ചിലും ശരീരത്ത് തടിപ്പും ഉണ്ടായി.
ഇന്ന് ഉച്ചയോടെയാണ് സംഭവം. ഏഴാം ക്ലാസിലെ വിദ്യാർത്ഥികളെയാണ് അലർജിയെ തുടർന്ന് ആശുപത്രിയിൽ പ്രവേശിപ്പിച്ചത്.
ക്ലാസിലെ ഡസ്ക് ദ്രവിച്ചിരിക്കുന്ന നിലയിലാണ്. ഈ ദ്രവിച്ച ഭാഗത്ത് വിദ്യാർത്ഥികൾ പെൻസിൽ കൊണ്ട് കുത്തിയിരുന്നു എന്നാണ് പറയുന്നത്.
ഈ സമയത്ത് അവിടെ നിന്നും ഇറങ്ങി വന്ന സൂഷ്മ ജീവികൾ കടിച്ചാണ് വിദ്യാർത്ഥികൾക്ക് അലർജിയുണ്ടായതെന്നാണ് വിവരം.
Summary: Chickenpox outbreak reported at Athavanad Government High School in Malappuram, with 57 students affected. LP and UP sections have been closed for a week as a precaution.
