തിരുവനന്തപുരം: സെക്രട്ടേറിയറ്റിലെ സീലിങ് പൊളിഞ്ഞു വീണ് അപകടം. അഡീഷണല് സെക്രട്ടറി അജി ഫിലിപ്പിന് പരിക്കേറ്റു. ദര്ബാര് ഹാള് കെട്ടിടത്തിലെ ഓഫീസ് സീലിങാണ് തകര്ന്നു വീണത്.(Ceiling in the secretariat collapsed; Additional Secretary’s head injured)
ഉച്ചയ്ക്ക് രണ്ടേ കാലോടെയാണ് സംഭവം നടന്നത്. ഓഫീസിലെ ട്യൂബ് ലൈറ്റുകള് ഉള്പ്പെടെ അഡീഷണല് സെക്രട്ടറിയുടെ തലയിലേക്ക് വീഴുകയായിരുന്നു. തലയ്ക്ക് പരിക്കേറ്റ അജി ഫിലിപ്പ് തിരുവനന്തപുരം ജനറല് ആശുപത്രിയില് ചികിത്സയിലാണ്.
അപകട സമയത്ത് അജി ഫിലിപ്പ് മാത്രമായിരുന്നു ഓഫീസില് ഉണ്ടായിരുന്നത്. ശബ്ദം കേട്ട് ഓടിയെത്തിയ മറ്റു ജീവനക്കാരാണ് അജി ഫിലിപ്പിനെ ആശുപത്രിയില് എത്തിച്ചത്. സീലിങിന് കാലപ്പഴക്കമുണ്ടെന്നാണ് വിവരം. അറ്റക്കുറ്റപ്പണികള് കൃത്യമായി നടന്നിരുന്നില്ലെന്നും വിവരമുണ്ട്.
