അബുദാബിയിൽ മക്കളെ കാണാൻ പോയി, മടക്കം കോടീശ്വരനായി! മലയാളികളെ തേടി അറേബ്യൻ ഭാഗ്യദേവത
അബുദാബി: ബിഗ് ടിക്കറ്റ് അബുദാബി വാരാന്ത്യ നറുക്കെടുപ്പിൽ 50,000 ദിർഹം വീതം നാല് പേർക്ക് സമ്മാനം ലഭിച്ചു. ഇതിൽ രണ്ടുപേർ മലയാളികളാണ്.
അബുദാബിയിൽ മക്കളെ സന്ദർശിക്കാൻ എത്തിയ റിട്ടയേഡ് എൻജിനീയർ ജോയിക്കുട്ടി മാത്യുവിനും അഷ്റഫ് കാസിംകുഞ്ഞിനുമാണ് ഇക്കുറി അറേബ്യൻ ഭാഗ്യദേവതയുടെ കടാക്ഷം ലഭിച്ചത്.
ഇന്ത്യക്കാരനായ ചരൺജിത് സത്പാലും മസിഡോണിയ സ്വദേശിനിയായ സെവ്ജാൻ സാദിക്കോവയും മറ്റ് വിജയികളാണ്.
25 വർഷത്തോളം ദുബായ്യിൽ ജോലി ചെയ്തിരുന്ന ജോയിക്കുട്ടി മാത്യു, വിരമിച്ച ശേഷവും സ്ഥിരമായി ബിഗ് ടിക്കറ്റ് നറുക്കെടുപ്പുകളിൽ പങ്കെടുക്കാറുണ്ടായിരുന്നു.
036181 എന്ന ടിക്കറ്റിലൂടെയാണ് അദ്ദേഹത്തിന് സമ്മാനം ലഭിച്ചത്. ആദ്യം ബന്ധപ്പെട്ടപ്പോൾ ഫോൺ ലഭിക്കാതിരുന്നെങ്കിലും പിന്നീട് വിജയവാർത്ത അറിഞ്ഞതിൽ വലിയ സന്തോഷമുണ്ടായതായി അദ്ദേഹം പറഞ്ഞു.
സമ്മാനത്തുകയുടെ ഒരു ഭാഗം ജീവകാരുണ്യ പ്രവർത്തനങ്ങൾക്കായി വിനിയോഗിക്കുമെന്നും വ്യക്തമാക്കി.
135555 എന്ന ടിക്കറ്റിലൂടെയാണ് അഷ്റഫ് കാസിംകുഞ്ഞ് വിജയിയായത്. നറുക്കെടുപ്പ് ദിവസത്തെ ഫോൺ കോൾ ലഭിക്കാതിരുന്നെങ്കിലും പിന്നീട് വിവരം അറിഞ്ഞതോടെ സന്തോഷം പങ്കുവച്ചു.
009181 എന്ന ഇൻ-സ്റ്റോർ ടിക്കറ്റിലൂടെയാണ് ചരൺജിത് സത്പാൽ വിജയിയായത്. ഫെബ്രുവരി 9-ലെ നറുക്കെടുപ്പിലാണ് അദ്ദേഹത്തിന് സമ്മാനം ലഭിച്ചത്.
സമ്മാനത്തുക വ്യക്തിപരമായ ആവശ്യങ്ങൾക്കും സാമ്പത്തിക സുരക്ഷിതത്വത്തിനുമായി ഉപയോഗിക്കാനാണ് വിജയികളുടെ തീരുമാനം.
English Summary
Four people have won AED 50,000 each in the Big Ticket Abu Dhabi weekend draw. Two of the winners are Malayalis who had arrived in Abu Dhabi to visit their children. The winners said the prize money would be used for personal needs, financial security and charitable activities.
big-ticket-abu-dhabi-weekend-draw-malayali-winners-february-16-2026
Big Ticket, Abu Dhabi, Lottery Winners, Malayali Winners, UAE News, Gulf News, Weekend Draw, Prize Money, Kerala News
