തിരുവനന്തപുരം: മുതലപ്പൊഴിയിൽ ബാർജ് പുലിമുട്ടിലേക്ക് ഇടിച്ചു കയറി അപകടം. രണ്ട് ജീവനക്കാർക്ക് പരിക്കേറ്റു. ഇന്ന് രാവിലെ പത്തരയോടെയാണ് സംഭവം.(Barge boat met accident in Muthalapozhi)

ശക്തമായ തിരയിൽ പെട്ടാണ് അപകടമുണ്ടായത്. അഞ്ച് പേരാണ് ബാർജിൽ ഉണ്ടായിരുന്നത്. അപകടത്തിൽ പരിക്കേറ്റ സാബിർ ഷൈക്ക്, സാദ അലിഗഞ്ചി എന്നീവരെ ചിറയിൻകീഴ് താലൂക്ക് ആശുപത്രിയിൽ പ്രവേശിപ്പിച്ചു. ഇവരുടെ പരിക്ക് ഗുരുതരമല്ല.

മുതലപ്പൊഴി അഴിമുഖത്തെ മണൽ നീക്കം ചെയ്ത് കടലിലേക്ക് നിക്ഷേപിക്കാനാണ് ബാർജ് കൊണ്ടുവന്നത്. കഴിഞ്ഞ ദിവസത്തെ ശക്തമായ മഴയിലും കാറ്റിലും ബാർജ് അപകടത്തിൽപ്പെടുകയായിരുന്നു. ബാർജ് ഇപ്പോഴും കുടുങ്ങി കിടക്കുകയാണ്. ചെറുവള്ളങ്ങളിലെത്തി, വടംകെട്ടിയാണ് കുടുങ്ങിക്കിടക്കുന്നവരെ രക്ഷപ്പെടുത്തിയത്. വേലിയേറ്റമുണ്ടായാൽ മാത്രമേ ബാർജ് ഇനി പുറം കടലിലേക്ക് എത്തിക്കാനാകൂ.