വീണ്ടും വിസ്മയമായി ബബിയ; ഇത്തവണ കണ്ടത് ശ്രീകോവിലിന് സമീപം; അനന്തപുരം അനന്തപത്മനാഭ സ്വാമി ക്ഷേത്രത്തിൽ ഭക്തർക്ക് മുമ്പിൽ മുതലക്കുഞ്ഞ്

കാസർകോട്: കുമ്പള അനന്തപുരം അനന്തപത്മനാഭ സ്വാമി ക്ഷേത്ര ശ്രീകോവിലിന് സമീപം വീണ്ടും മുതലക്കുഞ്ഞ്. ബബിയ-3 എന്ന് പേരിട്ടിരിക്കുന്ന പുതിയ മുതലക്കുഞ്ഞ് കഴിഞ്ഞ ദിവസം വൈകുന്നേരമാണ് ശ്രീകോവലിന് സമീപം എത്തിയത്. അരമണിക്കൂറോളം അവിടെ കിടന്നശേഷം കുളത്തിലേക്ക് തിരികെ പോയി.Baby crocodile in front of devotees at Anantapadmanabha Swamy Temple, Ananthapuram

ക്ഷേത്ര പൂജാരി സുബ്രഹ്മണ്യ ഭട്ട് വൈകുന്നേരം നട തുറക്കാൻ എത്തിയപ്പോഴാണ് കുഞ്ഞു ബബിയയെ കണ്ടത്. തുടർന്ന് അദ്ദേഹം ദൃശ്യം മൊബൈലില്‍ പകർത്തി. ഏകദേശം നാലരയടി നീളമുണ്ട്‌ മുതലക്കുഞ്ഞിനു.

മുതല വസിക്കുന്ന ക്ഷേത്രക്കുളം എന്ന നിലയിൽ അനന്തപുരം ക്ഷേത്രം ഏറെ പ്രശസ്തമാണ്. യഥാർത്ഥ ബിബിയ 2022 ഒക്ടോബർ 9നാണ് പ്രായാധിക്യം മൂലം ചത്തത്.

80 വർഷത്തോഷം ബബിയ കുളത്തിലുണ്ടായിരുന്നു. പകരം മറ്റൊരു മുതല എത്തുമെന്ന് പ്രശ്നം വയ്‌പ്പിൽ കണ്ടെത്തിയിരുന്നു.

2023 നവംബറിലാണ് ക്ഷേത്രക്കുളത്തില്‍ വീണ്ടും മുതലയുടെ സാന്നിധ്യം അധികൃതർ തിരിച്ചറിഞ്ഞത്. ബബിയ മുതല കഴിഞ്ഞിരുന്ന കുളത്തിലെ അതേ മടയ്‌ക്കുള്ളില്‍ തന്നെയാണ് പുതിയ മുതലയെയും കണ്ടത്തിയത്.