ആഗോള അയ്യപ്പ സംഗമം രാഷ്ട്രീയ നാടകം

ആഗോള അയ്യപ്പ സംഗമം രാഷ്ട്രീയ നാടകം

തിരുവനന്തപുരം: ആഗോള അയ്യപ്പ സംഗമം സർക്കാർ ആഘോഷമല്ലെന്ന മുഖ്യമന്ത്രി പിണറായി വിജയന്റെ പ്രസ്താവന രൂക്ഷമായി വിമർശിച്ച് ബിജെപി സംസ്ഥാന അധ്യക്ഷൻ രാജീവ് ചന്ദ്രശേഖർ രംഗത്തെത്തി. “അയ്യപ്പ സംഗമം സർക്കാർ പരിപാടിയല്ലെങ്കിൽ പിന്നെ എന്താണ്? ആരെ വിഡ്ഡിയാക്കാനാണ് ശ്രമിക്കുന്നത്?” – രാജീവ് ചന്ദ്രശേഖർ ചോദിച്ചു.

സർക്കാർ പരിപാടിയല്ലെങ്കിൽ പിന്നെന്തിനാണ് തമിഴ്‌നാട് മുഖ്യമന്ത്രി സ്റ്റാലിനെ ക്ഷണിക്കാൻ മന്ത്രി പോയത്?. തിരുവിതാംകൂർ ദേവസ്വം ബോർഡ് ആണ് അയ്യപ്പ സംഗമം നടത്തുന്നതെങ്കിൽ ദേവസ്വം ബോർഡ് പ്രസിഡന്റല്ലേ പോകേണ്ടത്?.

തെരഞ്ഞെടുപ്പിന് നാലഞ്ചു മാസം മാത്രം ബാക്കിയിരിക്കെ ഇപ്പോൾ അയ്യപ്പ സംഗമം നടത്തുന്നത് രാഷ്ട്രീയ ലക്ഷ്യത്തോടു തന്നെയാണെന്നും, മുഖ്യമന്ത്രിയുടെ പ്രസ്താവനയ്ക്ക് മറുപടിയായി രാജീവ് ചന്ദ്രശേഖർ പറഞ്ഞു.

സംഘടനാത്മകമായി തിരുവിതാംകൂർ ദേവസ്വം ബോർഡ് (TDB) സംഗമം നടത്തുന്നതാണെങ്കിൽ, ദേവസ്വം ബോർഡ് പ്രസിഡന്റല്ലേ തമിഴ്‌നാട് മുഖ്യമന്ത്രി എം.കെ. സ്റ്റാലിനെ ക്ഷണിക്കാൻ പോകേണ്ടത്? എന്തുകൊണ്ട് മന്ത്രിയാണ് ചെന്നത് എന്ന് അദ്ദേഹം ചോദിച്ചു.

തെരഞ്ഞെടുപ്പിന് വെറും മാസങ്ങൾ ബാക്കി നിൽക്കെ അയ്യപ്പ സംഗമം സംഘടിപ്പിക്കുന്നത് വ്യക്തമായ രാഷ്ട്രീയ ലക്ഷ്യത്തോടെയാണ് എന്നും അദ്ദേഹം ചൂണ്ടിക്കാട്ടി.

“നാസ്തികനായ മുഖ്യമന്ത്രി ഭക്തരെ പഠിപ്പിക്കേണ്ട”

അദ്ദേഹം നാസ്തികനാണ്. അയ്യപ്പ സംഗമം ആരാധനയുടെ ഭാഗമാണെന്നാണ് മുഖ്യമന്ത്രി പറഞ്ഞത്. 18 തവണ ശബരിമലയിൽ ദർശനം നടത്തിയ തനിക്ക് ഒന്നു മറിയില്ലെന്നാണ് മുഖ്യമന്ത്രി പറയുന്നത്. പകരം നാസ്തികനായ മുഖ്യമന്ത്രി ഇതിനേപ്പറ്റി പറയുമ്പോൾ ആരെയാണ് ജനം വിശ്വസിക്കുകയെന്ന് രാജീവ് ചന്ദ്രശേഖർ ചോദിച്ചു.

മുഖ്യമന്ത്രി താൻ 18 തവണ ശബരിമലയിൽ എത്തിയിട്ടുണ്ടെന്ന് പറഞ്ഞെങ്കിലും, സ്വയം നാസ്തികനായ മുഖ്യമന്ത്രി ഭക്തരുടെ വികാരങ്ങളെ പഠിപ്പിക്കേണ്ടതില്ല എന്ന് രാജീവ് ചന്ദ്രശേഖർ പ്രതികരിച്ചു.

“മുഖ്യമന്ത്രി ദൈവവിശ്വാസിയല്ല. അയ്യപ്പ സംഗമം ആരാധനയുടെ ഭാഗമാണെന്ന് പറയുമ്പോൾ ജനങ്ങൾ ആരെ വിശ്വസിക്കണം?” – അദ്ദേഹം ചോദിച്ചു.

“സ്റ്റാലിനെയും ഡിഎംകെയെയും വിളിക്കരുത്”

അയ്യപ്പ ഭക്തരുടെ വിശ്വാസത്തെ ബഹുമാനിക്കുന്ന പരിപാടിയാണെങ്കിൽ സ്റ്റാലിനെയും ഡിഎംകെയെയും ക്ഷണിക്കേണ്ടതില്ല എന്നും അദ്ദേഹം വ്യക്തമാക്കി.

“ഹിന്ദു വൈറസാണെന്ന് പറഞ്ഞ ഡിഎംകെയും, ഹിന്ദു ഭക്തരെ വഞ്ചിച്ച സിപിഎം മുഖ്യമന്ത്രിയും അവിടെ എത്തുന്നത് അപമാനമാണ്. വിശ്വാസികളായ ഞങ്ങളുടെ അഭിപ്രായമാണ് കേൾക്കേണ്ടത്.” – രാജീവ് ചന്ദ്രശേഖർ പറഞ്ഞു.

ഇത് ആരാധനയുടെ ഭാഗമാണെങ്കിൽ, അയ്യപ്പ ഭക്തരുടെ വിശ്വാസം ബഹുമാനിക്കുന്ന പരിപാടിയാണെങ്കിൽ സ്റ്റാലിനെയും ഡിഎംകെയെയും വിളിക്കരുത്. ഹിന്ദു വൈറസാണെന്ന് പറയുന്ന ഡിഎംകെയും, ഹിന്ദു ഭക്തരെ ദ്രോഹിച്ച സിപിഎം മുഖ്യമന്ത്രിയും അവിടെ പോകാൻ പാടില്ല. അത് അപമാനമാണെന്ന് രാജീവ് ചന്ദ്രശേഖർ പറഞ്ഞു.

“10 വർഷമായി ദേവസ്വം ബോർഡ് ഒന്നും ചെയ്തിട്ടില്ല”

ഭക്തർക്കായി കഴിഞ്ഞ പത്ത് വർഷമായി ഒരു അടിസ്ഥാന സൗകര്യവും ഒരുക്കാത്ത തിരുവിതാംകൂർ ദേവസ്വം ബോർഡാണ് അയ്യപ്പ സംഗമം നടത്തുന്നതെങ്കിൽ, ചെയ്യട്ടെ. അതിനെതിരെ ബിജെപി പ്രതികരിച്ചിട്ടില്ലെന്നും അദ്ദേഹം വ്യക്തമാക്കി. “പക്ഷേ അതിനെ രാഷ്ട്രീയ നാടകമാക്കി ജനങ്ങളെ വിഡ്ഡികളാക്കരുത്” എന്നും അദ്ദേഹം കൂട്ടിച്ചേർത്തു.

“ഞാൻ സാമാന്യബുദ്ധിയുള്ള ഭക്തൻ”

മുഖ്യമന്ത്രി തന്റെ രാഷ്ട്രീയ ബോധത്തെ പരിഹസിച്ച പ്രസ്താവനയ്ക്കും അദ്ദേഹം മറുപടി നൽകി:
“ഞാൻ രാഷ്ട്രീയ വിദ്വാനാണെന്ന് പറഞ്ഞിട്ടില്ല. സാമാന്യബുദ്ധിയുള്ള ആളാണ്. കേരള ജനങ്ങളുടെ പ്രശ്നങ്ങൾ മനസ്സിലാക്കുന്നയാളാണ്. 18 തവണ ശബരിമലയിൽ ദർശനം നടത്തിയ വിശ്വാസിയാണ്. മുഖ്യമന്ത്രിയെപ്പോലെ കാർൽ മാർക്‌സ് വായിച്ച് വിദ്വാനാകാൻ താത്പര്യമില്ല. പക്ഷേ വികസിത കേരളത്തിനായുള്ള വ്യക്തമായ കാഴ്ചപ്പാട് എനിക്ക് ഉണ്ടെന്ന്” – രാജീവ് ചന്ദ്രശേഖർ വ്യക്തമാക്കി.

English Summary:

BJP Kerala chief Rajeev Chandrasekhar slams CM Pinarayi Vijayan, calling the Global Ayyappa Meet a political drama ahead of elections.