വാഷിംഗ്ടൺ സുന്ദറിന് പകരം ദേവ്ദത്ത് പടിക്കൽ, ഋതുരാജ് ഗെയ്ക്വാദ് എന്നിവരെ ഒഴിവാക്കി ബദോനിയെ തിരഞ്ഞെടുക്കാനുള്ള കാരണം ഇതാണ്
വാഷിംഗ്ടൺ സുന്ദറിന് പകരക്കാരനായി ആയുഷ് ബദോനിയെ തിരഞ്ഞെടുക്കാനുള്ള ഇന്ത്യൻ ടീം മാനേജ്മെന്റിന്റെ തീരുമാനം വലിയ വിമർശനങ്ങൾക്ക് ഇടയാക്കിയിരുന്നു.
വിജയ് ഹസാരെ ട്രോഫിയിൽ മികച്ച ഫോമിലുള്ള ദേവ്ദത്ത് പടിക്കൽ, ഋതുരാജ് ഗെയ്ക്വാദ് എന്നിവരെ ഒഴിവാക്കി ബദോനിയെ ന്യൂസിലൻഡ് പരമ്പരയ്ക്കായി ടീമിൽ ഉൾപ്പെടുത്തിയതോടെയാണ് ആരാധകരുടെ പ്രതിഷേധം ശക്തമായത്.
വിമർശനങ്ങൾ ഉയർന്ന പശ്ചാത്തലത്തിൽ ഇന്ത്യൻ ബാറ്റിങ് കോച്ച് സിതാൻഷു കൊട്ടക് തിരഞ്ഞെടുപ്പിന് പിന്നിലെ കാരണം വിശദീകരിച്ചു. “ടീമിന് വേണ്ടിയത് വെറും ഒരു ബാറ്ററെയല്ല, അഞ്ച് മുതൽ ആറു ഓവർ വരെ പന്തെറിയാൻ കഴിയുന്ന ഒരു ഓൾറൗണ്ടറെയാണ്.
കഴിഞ്ഞ മത്സരത്തിൽ വാഷിംഗ്ടൺ സുന്ദറിന് പരുക്കേറ്റപ്പോൾ അദ്ദേഹത്തിന്റെ ഓവറുകൾ പൂർത്തിയാക്കാൻ മറ്റൊരു ബോളർ ഇല്ലാതെ ഞങ്ങൾ ബുദ്ധിമുട്ടി.
അത്തരമൊരു സാഹചര്യമാണ് ഈ തീരുമാനത്തിലേക്ക് നയിച്ചത്,” സിതാൻഷു കൊട്ടക് വാർത്താസമ്മേളനത്തിൽ വ്യക്തമാക്കി.
ബാറ്റിങ്ങിനൊപ്പം ഭാഗിക ബോളിങും കൈകാര്യം ചെയ്യാൻ കഴിയുന്ന താരമെന്ന നിലയിലാണ് ബദോനിയെ പരിഗണിച്ചതെന്നും അദ്ദേഹം കൂട്ടിച്ചേർത്തു. സുന്ദറിന്റെ അഭാവത്തിൽ ബോളിങ് ഓപ്ഷനുകൾ വർധിപ്പിക്കുക എന്നതായിരുന്നു ടീം ലക്ഷ്യം.
27 ലിസ്റ്റ് എ മത്സരങ്ങളിൽ നിന്ന് 36.47 ശരാശരിയിൽ 693 റൺസാണ് ആയുഷ് ബദോനി നേടിയിട്ടുള്ളത്. ഒരു സെഞ്ചറിയും അഞ്ച് അർധസെഞ്ചറികളും ഇതിൽ ഉൾപ്പെടുന്നു. ബോളിങിൽ 18 വിക്കറ്റുകളും ബദോനി സ്വന്തമാക്കിയിട്ടുണ്ട്.
വഡോദരയിൽ നടന്ന ആദ്യ ഏകദിന മത്സരത്തിനിടെയാണ് വാഷിംഗ്ടൺ സുന്ദറിന് വാരിയെല്ലിന് പരുക്കേറ്റത്. ബോളിങ് ചെയ്യുന്നതിനിടെ അസ്വസ്ഥത പ്രകടിപ്പിച്ച താരം അഞ്ച് ഓവർ പൂർത്തിയാക്കിയതിന് ശേഷം മൈതാനം വിട്ടിരുന്നു.
എങ്കിലും ഇന്ത്യയുടെ ബാറ്റിംഗിനിടെ എട്ടാം നമ്പറിൽ സുന്ദർ ബാറ്റ് ചെയ്യാൻ ഇറങ്ങിയിരുന്നു.
English Summary
Indian team management has clarified the decision to include Ayush Badoni as a replacement for Washington Sundar following widespread criticism. Batting coach Sitanshu Kotak explained that the team needed an all-rounder who could contribute a few overs of bowling, especially after Sundar’s injury left India short of bowling options in the previous match. Badoni’s ability to bat and bowl influenced the selection, despite other batters being in better form.
ayush-badoni-selection-clarification-washington-sundar-injury
Indian Cricket Team, Ayush Badoni, Washington Sundar, Sitanshu Kotak, Team Selection, Cricket News, New Zealand Series, All-Rounder Choice
