ഇടുക്കി കട്ടപ്പനയിൽ തൊഴിൽ വാഗ്ദ്ധാനം ചെയ്ത് അസം സ്വദേശിനിയായ തൊഴിലാളി സ്ത്രീയെ പീഡിപ്പിക്കാൻ ശ്രമിച്ചയാൾ അറസ്റ്റിൽ. വള്ളക്കടവ് കരിമ്പാനിപ്പടി സുചീന്ദ്രത്ത് രാജേഷ് രാമചന്ദ്രനെ(52) യാണ് കട്ടപ്പന പോലീസ് അറസ്റ്റ് ചെയ്തത്. Attempt to rape a woman by taking her to a lodge in Kattappana on the pretext of providing her with a job
പുളിയൻമലയിൽ ജോലി ചെയ്യുകയായിരുന്ന 42 കാരിയായ അസം സ്വദേശിനിക്കും ഭർത്താവിനും മറ്റൊരു ജോലി നൽകാമെന്ന് വാഗ്ദാനം നൽകിയാണ് രാജേഷ് ഇവരെ സമീപിച്ചത്. തുടർന്ന് ഭർത്താവിന് എറണാകുളത്ത് ജോലി തരപ്പെടുത്തി നൽകി.
രണ്ടുദിവസം കഴിഞ്ഞ് തൃശൂരിലെത്തിക്കാമെന്ന് പറഞ്ഞ് അസം സ്വദേശിനിയെ കട്ടപ്പനയിലെ സ്വകാര്യ ലോഡ്ജിൽ എത്തിച്ചു പീഡിപ്പിക്കാൻ ശ്രമിച്ചപ്പോൾ യുവതി എതിർക്കുകയും ഇവിടെ നിന്നും ഓടി രക്ഷപെടുകയും ചെയ്തു.
രക്ഷപെട്ട അസം സ്വദേശിനി കട്ടപ്പന പൊലീസ് സ്റ്റേഷനിലെത്തി പരാതി നൽകി. തുടർന്ന് സി.ഐ.ടി.സി.മുരുകൻ, എസ.്ഐ. എബി ജോർജ്, തുടങ്ങിയവർ അടങ്ങുന്ന സംഘം പ്രതിയെ അറസ്റ്റ് ചെയ്യുകയായിരുന്നു. കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു.
