ആലപ്പുഴ: ആലപ്പുഴ തോട്ടപ്പള്ളിയില് കടല് ഉള്വലിഞ്ഞു. 100 മീറ്ററിലധികമാണ് കടല് ഉള്വലിഞ്ഞത്. വൈകുന്നേരം നാലു മണിയോടെയാണ് സംഭവം. കടൽ ഉൾവലിഞ്ഞതിനെ തുടർന്ന് പ്രദേശവാസികൾ വിവരം ജില്ലാ ഭരണകൂടത്തെ അറിയിച്ചു.(At Thottapally, the sea receded for a hundred meters)
പ്രതിഭാസം നടന്ന് മണിക്കൂറുകൾ പിന്നിട്ടിട്ടും നിലവിലെ സ്ഥിതി തുടരുകയാണ്. ഇന്നലെ ആലപ്പുഴയിലെ വിവിധയിടങ്ങളില് കടലാക്രമണമുണ്ടായിരുന്നു. തൃക്കുന്നപ്പുഴ, അമ്പലപ്പുഴ ഭാഗങ്ങളില് വീടുകളില് വെള്ളം കയറിയതിനാല് നാട്ടുകാരുടെ പ്രതിഷേധവും ഉയരുന്നുണ്ട്.
അതേസമയം, കേരളത്തിലെ തീരപ്രദേശങ്ങളിൽ ശക്തമായ തിരമാലക്കും കള്ളക്കടൽ പ്രതിഭാസത്തിനും സാധ്യതയുള്ളതിനാൽ റെഡ് അലേർട്ട് പ്രഖ്യാപിച്ചിരുന്നു. തീരദേശ മേഖലകളിൽ, പ്രത്യേകിച്ച് താഴ്ന്ന പ്രദേശങ്ങളിൽ, വെള്ളം കയറാനും കടലാക്രമണത്തിനും സാധ്യതയുണ്ടെന്നും അധികൃതർ മുന്നറിയിപ്പ് നൽകി.
