തിരുവനന്തപുരം: 41 രൂപയ്ക്ക് ജോണിവാക്കർ കിട്ടുകയെന്നാൽ മ​ദ്യപാനികളെ സംബന്ധിച്ച് ഇതിൽപരം സന്തോഷം നൽകുന്ന സം​ഗതി വേറേയില്ല.

അതും ക്യൂ പോലും നിൽക്കാതെ കുപ്പി വാങ്ങിച്ചു പോകാനായാൽ ഇരട്ടി സന്തോഷം. ആ വിലയ്ക്ക് കിട്ടില്ലെങ്കിലും തിരുവനന്തപുരത്ത് ഒരു യുവാവിന് 41 രൂപയ്ക്ക് ജോണി വാക്കർ വാങ്ങിക്കാനുള്ള അവസരം ലഭിച്ചു.

ബെവ്കോയുടെ ഓൺലൈൻ സംവിധാനം വഴിയാണ് 41 രൂപയ്ക്ക ഇരുപതുകാരനായ വിദ്യാർത്ഥി മദ്യം ബുക്ക് ചെയ്തത്. ജോണി വാക്കർ ഉൾപ്പെടെ വൻകിട ബ്രാൻഡുകൾ വെറും 41 രൂപയ്ക്കാണ് തിരുവനന്തപുരം സ്വദേശിയായ ഇരുപതുകാരന് ബുക്ക് ചെയ്യാനായത്. എന്നാൽ യുവാവ് മദ്യം വാങ്ങിക്കൊണ്ടുപോയില്ല. പകരം വിവരം എക്സൈസ് മന്ത്രി എം ബി രാജേഷിനെയും ബെവ്കോ ഉദ്യോഗസ്ഥരെയും അറിയിച്ചു.

സൈബർ സെക്യൂരിറ്റി റിസേർച്ചാരായ അദ്ദേഹം റിസർച്ചിൻറെ ഭാഗമായാണ് യുവാവ് ബെവ്കോ വെബ്സൈറ്റിലെ പിഴവ് കണ്ടെത്തിയത്. ബെവ്കോയുടെ വെബ്സൈറ്റിൽ ഇതിനായി ഉൾപ്പെടുത്തിയ മോഡ്യൂളിൽ വലിയ പിഴവ് കണ്ടെത്തിയതോടെ സംവിധാനം തന്നെ പിൻവലിച്ചു.

ഓൺലൈനിൽ പണമടച്ചശേഷം മൊബൈലിൽ ലഭിക്കുന്ന കോഡുമായി ബെവ്കോ ഔട്‍ലറ്റിലെത്തിയാൽ ക്യൂ നിൽക്കാതെ മദ്യം വാങ്ങാമെന്നതായിരുന്നു ബെവ്കോ ഏർപ്പെടുത്തിയ സംവിധാനം. ഔട്‍ലറ്റുകളിലെ തിരക്ക് കുറക്കുന്നതിനുവേണ്ടിക്കൂടിയാണിത്.

എന്തായാലും പിഴവ് കണ്ടെത്തിയതോടെ സുരക്ഷ ഉറപ്പാക്കിയശേഷം മാത്രമേ സംവിധാനം പുനരാരംഭിക്കൂ എന്ന് ബെവ്കോ അധികൃതർ അറിയിച്ചിട്ടുണ്ട്. പിഴവ് കണ്ടെത്തിയ വിദ്യാർഥി പേരുവെളിപ്പെടുത്താൻ താൽപര്യമില്ലെന്ന് അറിയിച്ചതിനാൽ കൂടുതൽ വിവരങ്ങൾ പുറത്തുവിട്ടിട്ടില്ല.

At Bevco, you can purchase Johnny Walker for Rs 41 without waiting in line; however, a 20-year-old student declined the opportunity.