തെരഞ്ഞെടുപ്പ് ഡ്യൂട്ടിക്കിടയിലെ ഭക്ഷണയുടെ പണം ചോദിച്ച പോലീസുകാരന് സസ്പെൻഷൻ. അടൂർ ട്രാഫിക് എൻഫോർഡ് യൂണിറ്റിലെ സിവിൽ പോലീസ് ഓഫീസർ സുനിൽകുമാറിനെയാണ് സസ്പെൻഡ് ചെയ്തത്. തെരഞ്ഞെടുപ്പ് ഡ്യൂട്ടിയിൽ ഉള്ള ഉദ്യോഗസ്ഥർ അടക്കമുള്ള ഗ്രൂപ്പിൽ ഇദ്ദേഹം അപമാനിക്കുന്ന തരത്തിൽ പോസ്റ്റുകൾ ഇട്ടു എന്ന് ചൂണ്ടിക്കാട്ടിയാണ് സസ്പെൻഡ് ചെയ്തത്.
ഏപ്രിൽ 19നാണ് ഇദ്ദേഹം MCC SQUADS എന്ന വാട്സ്ആപ്പ് ഗ്രൂപ്പിൽ പോസ്റ്റുകൾ ഇട്ടത്. പണം തടഞ്ഞുവെച്ചിരിക്കുന്നത് കളക്ട്രേറ്റിലുള്ളവരാണെന്ന് അസഭ്യ വാക്കോടെ പോസ്റ്റിൽ ഇദ്ദേഹം ആരോപിച്ചു. പത്തനംതിട്ട കളക്ട്രേറ്റിൽ ഇത് സ്ഥരം പരിപാടിയാണെന്നും അന്വേഷണ കമ്മീഷനെ വെച്ച് ഇത് പുറത്തുകൊണ്ടുവരണമെന്നും ഇദ്ദേഹം ഗ്രൂപ്പിൽ എഴുതി. കേരള സര്ക്കാരിന്റെ ഖജനാവിൽ നിന്ന് എടുത്തുകൊടുക്കേണ്ട പണമല്ലെന്നും കേന്ദ്രം എലക്ഷൻ കമ്മീഷൻ അയച്ചുകൊടുത്തിരിക്കുന്ന പണമാണെന്നും പറഞ്ഞ സുനിൽകുമാർ താൻ ഹൈക്കോടതീയിൽ കേസിനു പോകും എന്നും പറഞ്ഞിരുന്നു. ഉപവരണാധികാരിയെ അടക്കം അപമാനിക്കുന്ന തരത്തിലാണ് ഇദ്ദേഹം പോസ്റ്റുകൾ ഇട്ടതെന്നു കണ്ടെത്തിയതിനെ തുടർന്നാണ് നടപടി.
