‘ഖുഷി’ സാക്ഷി; ആര്യയുടെ കഴുത്തിൽ താലിചാർത്തി സിബിൻ
നടിയും അവതാരകയും ബിഗ്ബോസ് താരവുമായ ആര്യ ബഡായിയും ഡിജെയും കൊറിയോഗ്രാഫറും ബിഗ്ബോസ് താരവുമായ സിബിനും വിവാഹിതരായി. ആര്യ തന്നെയാണ് വിവാഹച്ചിത്രങ്ങൾ പങ്കുവച്ച് സന്തോഷ വാർത്ത പുറത്തുവിട്ടത്.
ആര്യയുടെ മകൾ ഖുഷിയാണ് വിവാഹവേദിയിലേക്ക് ആര്യയെ കൈപ്പിടിച്ച് ആനയിച്ചത്. സിബിൻ ആര്യയ്ക്ക് താലി ചാർത്തുമ്പോഴും വേദിയിൽ നിറചിരിയുമായി നിൽക്കുന്ന ഖുഷിയെ ചിത്രങ്ങളിൽ കാണാം.
ആര്യയുടെയും സിബിന്റെയും അടുത്ത ബന്ധുക്കളും സുഹൃത്തുക്കളും മാത്രമാണ് വിവാഹ ചടങ്ങിൽ പങ്കെടുത്തത്. മേയ് മാസമായിരുന്നു ഇരുവരുടെയും വിവാഹനിശ്ചയം നടന്നത്.
വർഷങ്ങളായി ആര്യയുടെ അടുത്ത സുഹൃത്താണ് സിബിൻ. പിന്നീട് ഇരുവരും തമ്മിൽ പ്രണയത്തിലാവുകയായിരുന്നു. ആര്യയുടെ ആദ്യ വിവാഹത്തിലെ മകളാണ് പന്ത്രണ്ട് വയസ്സുകാരിയായ ഖുഷി.
ബിഗ് ബോസ് സീസണ് ആറില് വൈല്ഡ് കാര്ഡ് എന്ട്രിയിലൂടെ എത്തിയ താരമാണ് സിബിൻ ബെഞ്ചമിൻ. സിബിന്റെ രണ്ടാം വിവാഹമാണ് ഇത്. ആദ്യ വിവാഹത്തിൽ സിബിനും ഒരു ആണ്കുട്ടിയുണ്ട്. ഡി.ജെ, അവതാരകൻ, കൊറിയോഗ്രഫർ എന്നീ നിലകളിൽ പ്രശസ്തനാണ് അദ്ദേഹം.
Summary: Actress, anchor, and Bigg Boss star Arya Badaayi tied the knot with DJ, choreographer, and Bigg Boss star Sibin. Arya herself shared the wedding pictures, announcing the joyful news to fans.
