ചെന്നൈ: ഡിഎംകെ സര്ക്കാരിനെതിരെയുള്ള പ്രതിഷേധം ആരംഭിച്ച് സംസ്ഥാന ബിജെപി അധ്യക്ഷന് കെ അണ്ണാമലൈ. 48 ദിവസത്തെ വ്രതം ആണ് അണ്ണാമലൈ ആരംഭിച്ചത്. ഇന്ന് രാവിലെയാണ് സ്വന്തം വീടിന് മുന്നില് അണ്ണമലൈ പ്രതിഷേധത്തിന് തുടക്കമിട്ടത്.(Annamalai whips himself in protest against DMK)
വീടിന്റെ മുന്നിൽ വെച്ച് അദ്ദേഹം ചാട്ടവാറ് കൊണ്ട് സ്വന്തം ദേഹത്തേക്ക് ആറ് തവണ അടിക്കുകയായിരുന്നു. ശേഷം സര്ക്കാരിനെ വിമർശിച്ച് സംസാരിക്കുകയും ചെയ്തു. ഡിഎംകെ സര്ക്കാരിനെ താഴെയിറക്കും വരെ ചെരിപ്പ് ഉപയോഗിക്കില്ലെന്നും അണ്ണാമലൈ കഴിഞ്ഞ ദിവസം പ്രഖ്യാപിച്ചിരുന്നു.
അണ്ണാ യൂണിവേഴ്സിറ്റിയിലെ ലൈംഗികാതിക്രമക്കേസ് പൊലീസ് കൈകാര്യം ചെയ്ത രീതിക്കെതിരെ വെള്ളിയാഴ്ച രാവിലെ 10 മണിക്ക് തന്റെ വീടിന് മുന്നില് ആറ് തവണ ചാട്ടവാറടി നടത്തുമെന്ന് അണ്ണാമലൈ മാധ്യമപ്രവര്ത്തകരോട് പറഞ്ഞിരുന്നു. തമിഴ്നാട് ഉപമുഖ്യമന്ത്രി ഉദയനിധി സ്റ്റാലിനും മറ്റ് ഡിഎംകെ നേതാക്കള്ക്കുമൊപ്പം പ്രതി നില്ക്കുന്ന ചിത്രങ്ങളും അദ്ദേഹം പുറത്തുവിട്ടു.
