ആനകൾക്ക് ഇനി നല്ല കാലം; ചങ്ങല വേണ്ട, ആശുപത്രിയും റെഡി! താങ്ക്സ് ടു അനന്ത് അംബാനി
കൊച്ചി/മുംബൈ: അനന്ത് അംബാനി കേരളത്തിലെ പ്രമുഖ ക്ഷേത്രങ്ങളായ തളിപ്പറമ്പ് രാജരാജേശ്വര ക്ഷേത്രം, ഗുരുവായൂർ ക്ഷേത്രം എന്നിവ സന്ദർശിച്ച് വൻ ധനസഹായങ്ങൾ പ്രഖ്യാപിച്ചു.
രണ്ട് ക്ഷേത്രങ്ങൾക്കും മൂന്ന് കോടി രൂപ വീതം സംഭാവനയായി നൽകിയതോടൊപ്പം, രാജരാജേശ്വര ക്ഷേത്രത്തിന്റെ സമഗ്ര നവീകരണത്തിനായി 12 കോടി രൂപ നൽകുമെന്ന് അദ്ദേഹം അറിയിച്ചു.
ഏപ്രിൽ 2-ന് തളിപ്പറമ്പ് രാജരാജേശ്വര ക്ഷേത്രത്തിൽ എത്തിയ അനന്ത് അംബാനി പൊന്നുംകുടം, പട്ടം, താലി, നെയ്യമൃതം തുടങ്ങിയ പരമ്പരാഗത വഴിപാടുകൾ സമർപ്പിക്കുകയും അശ്വമേധ നമസ്കാരം നിർവഹിക്കുകയും ചെയ്തു. ക്ഷേത്ര നവീകരണത്തിനായി മൂന്ന് കോടി രൂപയുടെ ചെക്കും കൈമാറി. കിഴക്കൻ ഗോപുരത്തിന്റെ പുനരുദ്ധാരണവും പാർക്കിങ് സൗകര്യങ്ങൾ ഉൾപ്പെടെയുള്ള അടിസ്ഥാന സൗകര്യ വികസനവും ഈ പദ്ധതിയുടെ ഭാഗമായിരിക്കും.
തുടർന്ന് ഗുരുവായൂർ ക്ഷേത്രം സന്ദർശിച്ച അദ്ദേഹം ക്ഷേത്ര ട്രസ്റ്റിന് മൂന്ന് കോടി രൂപ സംഭാവനയായി നൽകി. ക്ഷേത്ര ആനകളുടെ ക്ഷേമത്തിനായി പ്രത്യേക ആനാശുപത്രി, ചങ്ങലകളില്ലാത്ത അഭയകേന്ദ്രം, ശാസ്ത്രീയ പരിപാലന സംവിധാനങ്ങൾ എന്നിവയ്ക്കും പിന്തുണ പ്രഖ്യാപിച്ചു.
English Summary
Anant Ambani visited major temples in Kerala, including Guruvayur and Taliparamba, and announced significant donations. He contributed ₹3 crore each to both temples and pledged ₹12 crore for renovation works, along with initiatives for elephant welfare.
anant-ambani-donation-guruvayur-taliparamba-temple
Anant Ambani, Guruvayur Temple, Taliparamba Temple, Kerala News, Temple Donation, Reliance, Religious News, India News
