അൽപശി ഉത്സവം ഭക്തിനിർഭരമായി സമാപിച്ചു; ആറാട്ടിന് ശേഷം റൺവേ തുറന്ന് വിമാന സർവീസുകൾ പുനരാരംഭിച്ചു
തിരുവനന്തപുരം: പതിനൊന്ന് ദിവസം നീണ്ടുനിന്ന അൽപശി ഉത്സവം പദ്മനാഭസ്വാമി ക്ഷേത്രത്തിലെ ഭക്തിപൂർവമായ ആറാട്ട് ചടങ്ങോടെ സമാപിച്ചു.
ശ്രീപദ്മനാഭസ്വാമിയെയും ഉപദേവന്മാരെയും ശംഖുമുഖം കടലിൽ ആറാടിച്ച ശേഷം ക്ഷേത്രത്തിലേക്കുള്ള ഘോഷയാത്ര പൂർത്തിയായതോടെയാണ് ഉത്സവം അവസാനിച്ചത്.
ജെമീമയുടെ സെഞ്ചുറിയിലും ഹര്മന്റെ നേതൃത്വത്തിലും ഇന്ത്യ ലോകകപ്പ് ഫൈനലില്
വിമാനത്താവളത്തിൽ താൽക്കാലിക നിയന്ത്രണം
ആറാട്ട് ഘോഷയാത്ര റൺവേ മുറിച്ചു കടന്നതിനെ തുടർന്ന് തിരുവനന്തപുരം വിമാനത്താവളത്തിലെ പ്രവർത്തനങ്ങൾ താൽക്കാലികമായി നിർത്തി.
ചടങ്ങുകൾ പൂർത്തിയായതോടെ റൺവേ തുറന്നു, വിമാന സർവീസുകളും പുനരാരംഭിച്ചു.
വർഷത്തിൽ രണ്ടുതവണ — അല്പശിയിലും പൈങ്കുനിയിലും — ഈ ആചാരപരമായ യാത്രയെ മാനിച്ച് വിമാനത്താവളം അടച്ചിടാറുണ്ട്.
ആചാരപരമായ പാരമ്പര്യം
വിമാനത്താവളത്തിന്റെ രൂപീകരണത്തിന് മുമ്പ് തന്നെ ശ്രീപത്മനാഭന്റെ ആറാട്ട് എഴുന്നള്ളത്തിനായി നിശ്ചിത പാതയുണ്ടായിരുന്നു.
1932-ൽ തിരുവിതാംകൂർ രാജാവ് ചിത്തിരതിരുനാളിന്റെ നേതൃത്വത്തിൽ വിമാനത്താവളം രൂപം കൊണ്ടപ്പോൾ ആ പാത നിലനിർത്തണമെന്നായിരുന്നു രാജാവിന്റെ നിർദേശം.
ഇതിന് അനുസൃതമായി കേന്ദ്രസർക്കാരുമായി കരാർ ഉണ്ടാക്കി — ഇന്നും അത് തന്നെ പാലിക്കപ്പെടുന്നു.
ഭക്തിസാന്ദ്രമായ ചടങ്ങുകൾ
വൈകിട്ട് നാലരയോടെ മതിലകത്ത് വിഗ്രഹങ്ങൾ എഴുന്നള്ളിച്ചു. ക്ഷേത്രസ്ഥാനി മൂലം തിരുനാൾ രാമവർമ്മ അകമ്പടി സേവിച്ചു.
ശംഖുമുഖം തീരത്ത് ക്ഷേത്രതന്ത്രി മുഖ്യകാർമ്മികത്വത്തിൽ ആറാട്ട് നടന്നു. മൂന്നുതവണ വിഗ്രഹങ്ങൾ സമുദ്രത്തിൽ ആറാടിച്ചു, ശേഷം തീർത്ഥാഭിഷേകവും പൂജയും നടന്നു. പ്രസാദവിതരണത്തോടെ ചടങ്ങ് സമാപിച്ചു.
English Summary:
The ten-day Alpashi festival at the Sree Padmanabhaswamy Temple concluded with a grand aarattu ceremony at the Shankhumugham Beach. Following the traditional procession that crosses the Thiruvananthapuram Airport runway, the flight operations resumed after a temporary halt. The closure, observed twice a year for the Alpashi and Painkuni festivals, honors a royal-era agreement made in 1932 ensuring the procession route remains unchanged.
