പ്രവാസികൾക്ക് സന്തോഷവാർത്ത! എയർ ഇന്ത്യ എക്സ്പ്രസിന്റെ വമ്പൻ ഓഫർ; അധിക ബാഗേജിന് കനത്ത ഇളവ്

പ്രവാസികൾക്ക് സന്തോഷവാർത്ത! എയർ ഇന്ത്യ എക്സ്പ്രസിന്റെ വമ്പൻ ഓഫർ; അധിക ബാഗേജിന് കനത്ത ഇളവ്

അവധിക്കാലത്ത് ഗൾഫിൽ നിന്ന് ഇന്ത്യയിലേക്ക് യാത്ര ചെയ്യുന്ന പ്രവാസികൾക്ക് ആശ്വാസവുമായി എയർ ഇന്ത്യ എക്സ്പ്രസ്.

അഞ്ച് കിലോയും പത്ത് കിലോയും അധിക ചെക്ക്-ഇൻ ബാഗേജ് വളരെ കുറഞ്ഞ നിരക്കിൽ മുൻകൂർ ബുക്ക് ചെയ്യാനുള്ള പ്രത്യേക ഓഫറാണ് എയർലൈൻ പ്രഖ്യാപിച്ചത്.

വെനിസ്വേല പ്രസിഡന്‍റ് നിക്കോളാസ് മഡുറോയെ പിടികൂടി ബന്ദിയാക്കിയെന്ന് ട്രംപ്; ഞെട്ടിച്ച് പ്രഖ്യാപനം; വെനിസ്വേലയിൽ അടിയന്തരാവസ്ഥ

ഓഫർ ലഭിക്കുന്ന കാലയളവ്

ജനുവരി 16 മുതൽ മാർച്ച് 10 വരെ ബഹ്റൈൻ, കുവൈത്ത്, ഒമാൻ, ഖത്തർ, സൗദി അറേബ്യ, യുഎഇ എന്നിവിടങ്ങളിൽ നിന്ന് ഇന്ത്യയിലേക്ക് യാത്ര ചെയ്യുന്നവർക്കാണ് ഈ ഓഫർ.

ജനുവരി 31നകം എയർ ഇന്ത്യ എക്സ്പ്രസ് വെബ്സൈറ്റ്, മൊബൈൽ ആപ്പ്, മറ്റ് ബുക്കിംഗ് ചാനലുകൾ വഴി ടിക്കറ്റ് ബുക്ക് ചെയ്യുന്നവർക്കാണ് ആനുകൂല്യം ലഭിക്കുക.

കിലോയ്ക്ക് പ്രത്യേക നിരക്ക്

അധിക ബാഗേജിന് ഓരോ രാജ്യത്തും കിലോയ്ക്ക് ഈടാക്കുന്ന നിരക്ക് ഇങ്ങനെ:

ബഹ്റൈൻ – 0.2 BHD
കുവൈത്ത് – 0.2 KD
ഒമാൻ – 0.2 OMR
ഖത്തർ – 1 QAR
സൗദി അറേബ്യ – 2 SAR
യുഎഇ – 2 AED

അഞ്ച് കിലോ അല്ലെങ്കിൽ പത്ത് കിലോ അധിക ബാഗേജുകളാണ് മുൻകൂർ ബുക്ക് ചെയ്യാൻ കഴിയുക.

എല്ലാ ടിക്കറ്റ് വിഭാഗങ്ങൾക്കും ബാധകം

എക്സ്പ്രസ് വാല്യൂ, എക്സ്പ്രസ് ലൈറ്റ്, എക്സ്പ്രസ് ഫ്ലെക്സ്, എക്സ്പ്രസ് ബിസ് ഉൾപ്പെടെ എയർ ഇന്ത്യ എക്സ്പ്രസിന്റെ എല്ലാ ടിക്കറ്റ് വിഭാഗങ്ങൾക്കും ഈ ഓഫർ ബാധകമാണ്.

ഇനി 40 കിലോ വരെ ചെക്ക്-ഇൻ ബാഗേജ്

നിലവിൽ ഈ ഗൾഫ് സെക്ടറുകളിൽ എക്സ്പ്രസ് ലൈറ്റ് ഒഴികെയുള്ള വിഭാഗങ്ങളിൽ 30 കിലോ ചെക്ക്-ഇൻ ബാഗേജ് അനുവദിക്കുന്നുണ്ട്.

ഓഫർ പ്രകാരം 10 കിലോ അധിക ബാഗേജ് കൂടി ചേർക്കുമ്പോൾ 40 കിലോ വരെ ചെക്ക്-ഇൻ ബാഗേജുമായി നാട്ടിലേക്ക് യാത്ര ചെയ്യാൻ പ്രവാസികൾക്ക് അവസരമുണ്ടാകും.

English Summary:

Air India Express has announced a special offer for Gulf expatriates travelling to India, allowing passengers to pre-book 5 or 10 kg of additional check-in baggage at highly discounted rates. The offer applies to bookings made before January 31 for travel between January 16 and March 10 from Gulf countries, enabling travellers to carry up to 40 kg of baggage.