നടൻ സിദ്ദിഖ് തന്നെ ലൈംഗികമായി ഉപദ്രവിച്ചു എന്ന് ആരോപിച്ച് നടി രേവതി സമ്പത്ത് പോലീസിൽ പരാതി നൽകി. പോലീസ് മേധാവിക്ക് ഇമെയിൽ മുഖേന നൽകിയ പരാതി പ്രത്യേക അന്വേഷണ സംഘത്തിന് കൈമാറും. Actress Revathi Sampath has filed a complaint with DGP against actor Siddique.
സിദ്ധിക്ക്നെതിരെയുള്ള തെളിവുകൾ തന്റെ കൈവശമുണ്ടെന്ന് അവകാശപ്പെട്ട നടി, സിദ്ദിഖിനെതിരെ കേസ് നൽകുന്നത് ആലോചിച്ച ശേഷം മാത്രമായിരിക്കുമെന്നും പറഞ്ഞിരുന്നു.
നീതി ലഭിക്കുമെന്ന് സർക്കാരിൽ നിന്ന് ഉറപ്പ് ലഭിക്കണമെന്നും രേവതി സമ്പത്ത് നേരത്തെ പറഞ്ഞതിന് പിന്നാലെയാണ് ഇപ്പോൾ പരാതി നൽകിയിരിക്കുന്നത്.
നേരത്തെ, തനിക്കെതിരെ ലൈംഗികാരോപണം ഉന്നയിച്ച നടി രേവതി സമ്പത്തിനെതിരെ പരാതിയുമായി നടൻ സിദ്ദിഖ് ഡിജിപിക്ക് പരാതി നൽകിയിരുന്നു.
തനിക്കെതിരായ ആരോപണത്തിന് പിന്നിൽ അജണ്ടയുണ്ടെന്നും വ്യത്യസ്ത സമയങ്ങളിൽ വ്യത്യസ്ത ആരോപണം ഉന്നയിക്കുന്നുവെന്നുമായിരുന്നു സിദ്ദിഖിന്റെ പരാതി. ഇതിന് പിന്നാലെയാണ് നടനെതിരെ പരാതിയുമായി രേവതി രംഗത്തെത്തിയിരിക്കുന്നത്.
