മലയാളികളുടെ പ്രിയ നടി അഞ്ജു കുര്യൻ Actress Anju Kurian വിവാഹിതയാകുന്നു. വിവാഹനിശ്ചയ ചിത്രങ്ങൾ പങ്കുവച്ചുകൊണ്ടാണ് പുതിയ ജീവിതത്തെ പറ്റി അഞ്ജു കുര്യൻ അറിയിച്ചത്.

ഇന്നലെയായിരുന്നു വിവാഹനിശ്ചയം. സുഹൃത്തായ റോഷനെയാണ് അഞ്ജു വിവാഹം കഴിക്കുന്നത്.

2013-ൽ പുറത്തിറങ്ങിയ നേരം എന്ന ചിത്രത്തിലൂടെയാണ് കരിയറിന് തുടക്കം കുറിച്ചത്. ഓം ശാന്തി ഓശാന, പ്രേമം, ഞാൻ പ്രകാശൻ, കവി ഉദ്ദേശിച്ചത്, ജാക്ക് ആൻഡ് ഡാനിയേൽ എന്നീ സിനിമകളിലും അഞ്ജു പ്രധാന വേഷങ്ങൾ ചെയ്തിട്ടുണ്ട്.

മേപ്പടിയാനിലെ അഞ്ജു കുര്യന്റെ നായികാവേഷം ഏറെ പ്രേക്ഷകശ്രദ്ധ നേടിയിരുന്നു.മലയാളം, തമിഴ് സിനിമകളിലൂടെ പ്രേക്ഷകർക്ക് സുപരിചിതയായി മാറിയ നടിയാണ് അഞ്ജു കുര്യൻ. മോഡലിം​ഗിലൂടെയാണ് അഞ്ജു സിനിമയിലേക്കെത്തുന്നത്.

ഈ നിമിഷം വരെ തങ്ങളെ അനു​ഗ്രഹിച്ച ദൈവത്തോട് നന്ദിയെന്നും സ്നേഹവും സന്തോഷവും നിറഞ്ഞ ഞങ്ങളുടെ യാത്ര ഒരു അത്ഭുതം തന്നെയായിരുന്നുവെന്നും അഞ്ജു കുര്യൻ ഇൻസ്റ്റ​ഗ്രാമിൽ കുറിച്ചു.