സരിഗയ്ക്ക് കൈ കൊടുക്കാതെ നടൻ ശങ്കർ, സോഷ്യൽ മീഡിയയിൽ വിമർശനം
കൊച്ചി: മിമിക്രി ആർട്ടിസ്റ്റും റിയാലിറ്റി ഷോ താരവുമായ കലാഭവൻ സരിഗയെ നടൻ ശങ്കർ അപമാനിച്ചുവെന്നാരോപിച്ച് സോഷ്യൽ മീഡിയയിൽ വിവാദം. കൊച്ചി ചങ്ങമ്പുഴ പാർക്കിൽ നടന്ന ‘ദേശീയ കലാസംസ്കൃതി അനശ്വര കലാകാരൻ കലാഭവൻ മണി അനുസ്മരണ’ ചടങ്ങിനിടെയാണ് സംഭവം.
നാടൻപാട്ട്, മിമിക്രി, അഭിനയം എന്നീ മേഖലകളിലെ കഴിവിന് സരിഗയ്ക്ക് പുരസ്കാരം നൽകി. ചടങ്ങിൽ സംവിധായകൻ വിനയൻ മൊമന്റോ കൈമാറിയപ്പോൾ നടൻ ശങ്കർ പ്രശസ്തിപത്രം നൽകി.
പുരസ്കാരം ഏറ്റുവാങ്ങിയ ശേഷം സരിഗ ഹസ്തദാനത്തിനായി കൈ നീട്ടിയെങ്കിലും ശങ്കർ അത് സ്വീകരിച്ചില്ല. എന്നിരുന്നാലും ശങ്കറിന്റെ കാലിൽ തൊട്ട് വന്ദിച്ച ശേഷമാണ് സരിഗ വേദി വിട്ടത്.
സംഭവത്തിന്റെ ദൃശ്യങ്ങൾ സോഷ്യൽ മീഡിയയിൽ പ്രചരിച്ചതോടെ വലിയ ചര്ച്ചയാണ് ഉയർന്നത്. സഹപ്രവർത്തകയോട് കാണിക്കേണ്ട മര്യാദ ശങ്കർ പാലിച്ചില്ലെന്നും ഇത് അപമാനകരമായ പെരുമാറ്റമാണെന്നും ചിലർ വിമർശിച്ചു.
അതേസമയം ശങ്കറിനെ പിന്തുണച്ചും ചിലർ രംഗത്തെത്തി. ഒരാൾക്ക് കൈ കൊടുക്കാൻ താൽപര്യമില്ലെങ്കിൽ അത് വ്യക്തിപരമായ തീരുമാനമാണെന്നും അതിനെ വിവാദമാക്കേണ്ടതില്ലെന്നുമാണ് അവരുടെ നിലപാട്.
English Summary
Actor Shankar has faced criticism on social media after allegedly refusing to shake hands with mimicry artist and reality show star Kalabhavan Sariga during an award ceremony in Kochi. The incident took place at the ‘National Kalasamskruthi Kalabhavan Mani Memorial’ event held at Changampuzha Park. After receiving the award, Sariga extended her hand for a handshake, but Shankar reportedly declined. Despite this, she touched his feet before leaving the stage. The video of the moment has gone viral online, sparking mixed reactions from netizens.
