നടൻ പൃഥ്വിരാജിന്റെ ആദ്യ കന്നട ചിത്രമാണ് സലാർ. ചിത്രത്തിന്റെ ഡബ്ബിംഗ് കഴിഞ്ഞ ദിവസമായിരുന്നു പൂര്‍ത്തിയായത്. പൃഥ്വിരാജ് തന്നെയാണ് ഇക്കാര്യം ആരാധകരുമായി പങ്കുവെച്ചത്. എന്നാല്‍ സലാര്‍ റിലീസ് ചെയ്യുന്ന അഞ്ച് ഭാഷകളിലും ചിത്രത്തിന് വേണ്ടി ഡബ്ബ് ചെയ്തിരിക്കുന്നത് പൃഥ്വിരാജ് തന്നെയാണ്. സോഷ്യൽ മീഡിയ പോസ്റ്റിലൂടെ നടൻ തന്നെയാണ് ഇക്കാര്യം അറിയിച്ചത്.

Also read: കൊല്ലത്ത് തന്നെ തട്ടിക്കൊണ്ടുപോകാൻ ശ്രമിച്ചെന്നു നിലവിളിച്ച് നാട്ടുകാരെ പരിഭ്രാന്തിയിലാഴ്ത്തി വിദ്യാർത്ഥി; സ്ഥലത്തെത്തി ഞൊടിയിടയിൽ സത്യാവസ്ഥ പുറത്തെത്തിച്ച് പോലീസ് !

സോഷ്യല്‍ മീഡിയയില്‍ താരം പങ്കുവെച്ച കുറിപ്പ്:

‘അങ്ങനെ സലാര്‍ ഡബ്ബിംഗ് പൂര്‍ത്തിയാക്കി. കാലങ്ങളായി ഞാൻ വര്‍ക്ക് ചെയ്തിട്ടുള്ള വിവിധഭാഷാ ചിത്രങ്ങളില്‍ കഥാപാത്രങ്ങള്‍ക്ക് സ്വന്തം ശബ്ദം നല്‍കാനുള്ള ഭാഗ്യം എനിക്ക് കിട്ടിയിട്ടുണ്ട്. ചില കഥാപാത്രങ്ങള്‍ക്ക് പല ഭാഷകളിലും ഡബ്ബ് ചെയ്തിട്ടുണ്ട്. എന്നാല്‍ ഒരു കഥാപാത്രത്തിന് 5 വ്യത്യസ്ത ഭാഷകളില്‍ ഒരേ സിനിമയില്‍ ഡബ്ബ് ചെയ്യുന്നത് ഇതാദ്യമാണ്. തെലുങ്ക്, കന്നഡ, തമിഴ്, ഹിന്ദി, പിന്നെ നമ്മുടെ മലയാളം. 2023 ഡിസംബര്‍ 22ന് ലോകമെമ്ബാടുമുള്ള തീയറ്ററുകളില്‍ ദേവയും വരദയും നിങ്ങളെ കാണാൻ എത്തും’, എന്നാണ് പൃഥ്വിരാജ് കുറിച്ചത്.

കെജിഎഫിന് ശേഷം പ്രശാന്ത് നീലിന്റെ സംവിധാനത്തിലൊരുങ്ങിയ സലാറിന്റെ റിലീസ് ഏറെ പ്രതീക്ഷയോടെയാണ് ആരാധകര്‍ കാത്തിരിക്കുന്നത്. ഹോംബാലെ ഫിലിംസിന്റെ ബ്രഹ്‌മാണ്ഡ ചിത്രമെന്ന പ്രത്യേകതയും സിനിമയ്‌ക്കുണ്ട്. ക്രിസ്മസ് റിലീസായി എത്തുന്ന ചിത്രം പുതിയ റെക്കോര്‍ഡുകള്‍ തീര്‍ക്കുമെന്നാണ് ആരാധകര്‍ പറയുന്നത്. ആക്ഷന് പ്രധാന്യം നല്‍കിയിരിക്കുന്ന ചിത്രത്തില്‍ പ്രഭാസിനൊപ്പം വരദരാജ മന്നാര്‍ എന്ന കഥാപാത്രത്തെയാണ് പൃഥ്വിരാജ് അവതരിപ്പിക്കുന്നത്.

Also read: നവകേരള ബസിന് നേരെ ഷൂ ഏറ്; തുടര്‍ന്നാല്‍ വേറെ രീതിയില്‍ നേരിടേണ്ടി വരുമെന്ന് മുഖ്യമന്ത്രി; ‘അപ്പോൾ വിലപിച്ചിട്ടു കാര്യമില്ല’