പെരുമ്പാവൂർ: പുല്ലുവഴി എം.സി റോഡിൽ അപകടങ്ങൾ പതിവാകുകയാണ്. മൂന്നു വാഹനങ്ങൾ കൂട്ടിയിടിച്ച് ഒരാൾ മരിക്കുകയും അഞ്ചുപേർക്ക് പരുക്ക് പറ്റുകയും ചെയ്ത സംഭവം നടന്നത് രണ്ടു മാസം മുമ്പാണ്. Accidents are becoming common on the pulluvazhy MC road
ഇതിനു പിന്നാലെ ഇന്നലെയുണ്ടായ വാഹനാപകടത്തിൽ മരിച്ചത് രണ്ടു പേരാണ്. രണ്ടപകടങ്ങളും നടന്നത് 20 മീറ്റർ ചുറ്റളവിലാണ്. ചെറുതും വലുതുമായ നിരവധി അപകടങ്ങളാണ് ദിനംപ്രതി ഇവിടെ ഉണ്ടാകുന്നത്.
അമിത വേഗതയാണ് പലപ്പോഴും വില്ലനാകുന്നത്. എം.സി. റോഡിൽ പുല്ലുവഴി വില്ലേജ് ജംഗ്ഷനു സമീപം ബൈക്കും ലോറിയുമിടിച്ച് ബൈക്ക് യാത്രക്കാരായ യുവാവും യുവതിയുമാണ് മരിച്ചത്. എറണാകുളം ജഡ്ജസ് അവന്യു പീടികത്തറയിൽ റഹ്മത്തുല്ലയുടെ മകൻ മുഹമ്മദ് ഇജാസ് (21), ചങ്ങനാശ്ശേരി കുരിശുംമൂട് പുതുപുരയ്ക്കൽ ഫിയോണ ജോസ് (18) എന്നിവരാണ് മരിച്ചത്.
വ്യാഴാഴ്ച ഉച്ചയ്ക്ക് രണ്ടേകാലിന് പുല്ലുവഴി വില്ലേജ് ജംഗ്ഷന് സമീപമായിരുന്നു അപകടം.മൂവാറ്റുപുഴ ഭാഗത്തുനിന്ന് പെരുമ്പാവൂര് ഭാഗത്തേക്ക് പോകുകയായിരുന്ന സുസുക്കി ജിക്സർ ബൈക്കില് എതിർദിശയിൽ വന്ന ലോറി ഇടിക്കുകയായിരുന്നു.
ഇജാസ് സംഭവസ്ഥലത്ത് മരിച്ചു. പെണ്കുട്ടിയെ നാട്ടുകാര് പെരുമ്പാവൂരിലെ സ്വകാര്യ ആശുപത്രിയില് എത്തിച്ചെങ്കിലും രക്ഷിക്കാനായില്ല. ഇജാസ് എൻജിനീയറിങ് പഠനം കഴിഞ്ഞിരിക്കുകയാണ്.
യുവതി എറണാകുളത്തെ സ്വകാര്യ സ്ഥാപനത്തില് എന്ട്രന്സ് പരിശീലനം നേടുകയാണ്. പെരുമ്പാവൂർ ഭാഗത്തേക്കു പോയ ബൈക്ക് എതിരേ വന്ന ലോറിയിൽ ഇടിക്കുകയായിരുന്നു. ഇജാസ് തൽക്ഷണം മരിച്ചു. ഫിയോണയെ പെരുമ്പാവൂരിലെ സ്വകാര്യ ആശുപത്രിയിലെത്തിച്ചപ്പോഴേക്കും മരിച്ചു.
ഇരുവരും സുഹൃത്തുക്കളാണെന്നാണ് വിവരം. ജോസ് ഗ്രിഗറിയുടെയും ജെറ്റ്സിയുടെയും മകളായ ഫിയോണ എറണാകുളത്ത് എൻട്രൻസ് പരിശീലന കേന്ദ്രത്തിൽ വിദ്യാർഥിനിയാണ്. കുഴിവേലിപ്പടി കെ.എം.ഇ.എ. കോളേജ് വിദ്യാർഥിയാണ് മുഹമ്മദ് ഇജാസ്. മാതാവ്: നജ്മ. സഹോദരി: ജാസ്മി.
മുഹമ്മദ് ഇജാസിന്റെ സുഹൃത്തുക്കൾ പങ്കെടുക്കുന്ന ടൂർണമെന്റ് കാണാൻ പാലക്കാട്ടേക്ക് പോകുംവഴിയാണ് അപകടമെന്നാണ് പോലീസിനു ലഭിച്ച വിവരം.
