വിശാഖപട്ടണം ആർ കെ ബീച്ചിൽ 200 മീറ്ററോളം കടൽ ഉൾവലിഞ്ഞു. കഴിഞ്ഞ ദിവസം കടലിൽ വലിയ തിരമാലകൾ ശക്തിയായി ഉയർന്നതിനു പിന്നാലെയാണ് ഇപ്പോൾ കടൽ ഉൾവലിഞ്ഞത്.
അന്തരീക്ഷത്തിലുണ്ടാകുന്ന മാറ്റമാകാം ഈ പ്രതിഭാസത്തിന് കാരണമെന്നാണ് നാഷണൽ ഇൻസ്റ്റിറ്റ്യൂട്ട് ഓഫ് ഓഷ്യാനോഗ്രഫി ചീഫ് സയൻ്റിസ്റ്റ് വിവിഎസ്എസ് ശർമ പറയുന്നത്. സന്ദർശകർ ജാഗ്രത പാലിക്കണമെന്നും അദ്ദേഹം പറയുന്നു .
കടൽ ഉൾവലിഞ്ഞ തീരത്ത് കല്ലുകൾ ഒഴുകിനടക്കുന്നത് കാണാം. പൗർണ്ണമി കഴിഞ്ഞപ്പോഴും കടൽ ഇത്തരത്തിൽ ഉൾവലിഞ്ഞിരുന്നുവെന്നാണ് മത്സ്യത്തൊഴിലാളികൾ പറഞ്ഞത്.
ബീച്ചിൽ എത്തിയ വിനോദസഞ്ചാരികൾ ഇതിന്റെ ചിത്രങ്ങൾ എടുക്കുന്ന തിരക്കിലാണ്. ഇത്തരം സാഹചര്യങ്ങൾ മുൻപും ഉണ്ടായിട്ടുണ്ടെങ്കിലും. പൗർണ്ണമിയിലും അമാവാസിയിലും ഇത് സാധാരണമാണെന്ന് പ്രദേശത്തെ മത്സ്യത്തൊഴിലാളികൾ പറയുന്നു.
