കഴിഞ്ഞ 20 വര്ഷമായി സിപിഎം ശക്തി കേന്ദ്രമായ പയ്യന്നൂര് എടാട്ട് സിപിഎം – സിഐടിയു തൊഴില്പീഡനത്തിന് ഇരയായി വരുമാന മാർഗമായ ഓട്ടോ പോലും നഷ്ടപ്പെട്ട ദളിത് യുവതിയായ ചിത്രലേഖയ്ക്ക് പിന്തുണയുമായി ആം ആദ്മി പാര്ട്ടി. 9 മാസം മുന്പ് കാട്ടാമ്പള്ളിയിലെ വീട്ടില് നിന്നും അജ്ഞാതർ ഓട്ടോറിക്ഷ അഗ്നിക്കിരയാക്കിയതിനെ തുടര്ന്ന് തൊഴില്രഹിതയായ ചിത്രലേഖയ്ക്ക് ആം ആദ്മി വനിതാ വിഭാഗമായ മഹിളാ ശക്തി പുതിയ ഓട്ടോറിക്ഷ നല്കി. തുടര്ച്ചയായി സിഐടിയു – സിപിഎം പ്രവര്ത്തകരെന്ന് ആരോപിക്കപ്പെടുന്ന സംഘം രാത്രിയില് ചിത്രലേഖയുടെ വീടാക്രമിക്കുകയും ഓട്ടോറിക്ഷ അഗ്നിക്കിരയാക്കുകയും ചെയ്യുന്ന സാഹചര്യത്തിലാണ് ആം ആദ്മി പ്രവര്ത്തകര് കൈത്താങ്ങായി എത്തിയത്. പയ്യന്നൂര് എടാട്ട് ഓട്ടോ സ്റ്റാന്ഡില് ജോലി ചെയ്തിരുന്ന കാലത്ത് ദളിത് യുവതിയായ ചിത്രലേഖയ്ക്ക് നേരെ അവിടെ നിന്നും ഭ്രഷ്ട് കല്പ്പിക്കുകയും ഇതേ തുടര്ന്ന് ഇവര് കണ്ണാടിപറമ്പിലേക്ക് സ്ഥലം മാറുകയും ചെയ്തിരുന്നു. ജീവിതത്തിനായുളള ഉപജീവനമാര്ഗം തിരിച്ചുകിട്ടിയതിൽ ആശ്വസിക്കുമ്പോഴും ചിത്രലേഖയ്ക്ക് ഭീതിയൊഴിഞ്ഞിട്ടില്ല.
20 വര്ഷമായി സഹിക്കുന്ന ദുരിതം; ചിത്രലേഖയ്ക്ക് കൈത്താങ്ങായി ആം ആദ്മി പാര്ട്ടി; കത്തിച്ച ഓട്ടോറിക്ഷയ്ക്ക് പകരം പുതിയ ഓട്ടോ
Other news
Popular Categories
Previous article
Next article