ഇടുക്കി മൂന്നാറിലെ തെന്മല എസ്റ്റേറ്റ് ലോവർ ഡിവിഷനിൽ കാട്ടുപോത്ത് തൊഴിലാളി സ്ത്രീയെ കൊമ്പിൽ കുത്തിയെറിഞ്ഞു. മൂന്നാർ സ്വദേശിനി മീന സുസൈ മുത്തുവിനാണ് (47) പരിക്കേറ്റത്. ഞായറാഴ്ച രാവിലെയാണ് സംഭവം. ലോവർ ഡിവിഷൻ ഫീൽഡ് നമ്പർ ഒന്നിൽ തേയിലക്ക് വളം ഇടുന്നതിനിടയിലാണ് ആക്രമണമുണ്ടായത്. A wild buffalo attacked a woman worker in Munnar
ഇരുപതോളം തൊഴിലാളികളാണ് സ്ഥലത്തുണ്ടായിരുന്നത്. പിന്നിലൂടെ എത്തിയ കാട്ടുപോത്ത് ഇവരെ കുത്തി എറിയുകയായിരുന്നു. നട്ടെല്ലിന്റെ ഭാഗത്താണ് കുത്തേറ്റത്. കാട്ടുപോത്ത് കുത്തിയെറിഞ്ഞതിനെ തുടർന്ന് മീന ദൂരേക്ക് തെറിച്ചുവീണു. വീഴ്ചയിൽ കൈകാലുകൾക്ക് ഒടിവ് സംഭവിച്ചു .
മറ്റ് തൊഴിലാളികൾ ഓടി രക്ഷപ്പെട്ടതിനാൽ പരിക്കേറ്റില്ല. ഇതേ തുടർന്ന് ഇവരെ മൂന്നാറിലെ സ്വകാര്യ ആശുപത്രിയിൽ പ്രവേശിപ്പിച്ച് അടിയന്തര ശാസ്ത്രക്രിയയ്ക്ക് വിധേയയാക്കി.
