അടിമാലി: കാണാതായ പിഞ്ചുകുഞ്ഞിനെ മരിച്ച നിലയില് കണ്ടെത്തി. ഉടുമ്പന്ചോല പുത്തന്പുരയ്ക്കലില് ചിഞ്ചുവിന്റെ രണ്ടുമാസം പ്രായമുള്ള പെണ്കുഞ്ഞിന്റെ മൃതദേഹമാണ് പുരയിടത്തിലെ തോട്ടുവക്കത്ത് കണ്ടെത്തിയത്. കുഞ്ഞിന്റെ മുത്തശ്ശി ജാന്സിയെയും കുഞ്ഞിനെയും ഇന്ന് പുലര്ച്ചയോടെ കാണാതെയായിരുന്നു.
തുടര്ന്ന് നാട്ടുകാരുടെ നേതൃത്വത്തില് നടത്തിയ തിരച്ചിലിലാണ് വീടിന് സമീപമുള്ള തോട്ടുവക്കത്ത് കുഞ്ഞിനെയും മുത്തശ്ശിയെയും കണ്ടെത്തിയത്. കുഞ്ഞിനെ ഉടന്തന്നെ നെടുങ്കണ്ടം താലൂക്ക് ആശുപത്രിയില് എത്തിച്ചെങ്കിലും ജീവന് രക്ഷിക്കാനായില്ല. ഗുരുതരാവസ്ഥയിലുള്ള മുത്തശ്ശിയെ രാജാകാട്ടിലെ ഗവണ്മെന്റ് ആശുപത്രിയിലേക്കും തുടര്ന്ന് അടിമാലി താലൂക്ക് ആശുപത്രിയിലേക്കും മാറ്റി.
