പാലക്കാട്: അദ്ധ്യാപകരുടെ മാനസിക പീഡനത്തെ തുടർന്ന് ഒൻപതാം ക്ലാസുകാരി ആത്മഹത്യ ചെയ്ത സംഭവത്തിൽ എസ്.എഫ്.ഐ സ്കൂളിലേക്ക് നടത്തിയ മാർച്ചിൽ സംഘർഷം.
പാലക്കാട് ശ്രീകൃഷ്ണപുരം സെൻ്റ് ഡൊമിനിക് കോൺവെൻ്റ് സ്കൂളിലേക്ക് എസ് എഫ് ഐ നടത്തിയ മാർച്ചിലാണ് സംഘർഷം ഉണ്ടായത്.
എസ് എഫ് ഐ പ്രവർത്തകർ സ്കൂളിലേക്ക് തള്ളിക്കയറാൻ ശ്രമം നടത്തിയപ്പോൾ പോലീസ് തടഞ്ഞതാണ് സംഘർഷത്തിന് കാരണം.
വിദ്യാർഥിനിയുടെ ആത്മഹത്യയുമായി ബന്ധപ്പെട്ട് ഇന്നലെ സ്കൂളിൽ രക്ഷിതാക്കളുടെ പ്രതിഷേധം നടന്നിരുന്നു. സ്കൂൾ മാനേജ്മെൻ്റ് വിളിച്ച യോഗത്തിലും രക്ഷിതാക്കളുടെ പ്രതിഷേധമുണ്ടായി.
ചൊവ്വാഴ്ചയാണ് 14 വയസുകാരി ആശിർനന്ദ സ്വന്തം വീട്ടിലെ മുകളിലത്തെ മുറിയിൽ തൂങ്ങിമരിച്ചത്.
കുട്ടി ജീവനൊടുക്കാൻ കാരണം സ്കൂളിലെ മാനസിക പീഡനമാണെന്ന് ബന്ധുക്കൾ ആരോപിച്ചിരുന്നു.
മാർക്ക് കുറഞ്ഞപ്പോൾ കുട്ടിയെ ക്ലാസ് മാറ്റിയിരുത്തിയെന്നും ഇതിൽ ആശിർ നന്ദക്ക് മനോവിഷമം ഉണ്ടായിരുന്നതായും കുട്ടിയുടെ മാതാപിതാക്കൾ അറിയിച്ചു. സംഭവത്തിൽ രണ്ട് അദ്ധ്യാപകരെയും പ്രിൻസിപ്പലിനെയും പുറത്താക്കിയിരുന്നു
English Summary :
A clash broke out during an SFI march to a school following the suicide of a 9th-grade student, allegedly due to mental harassment by teachers.
