നെടുങ്കണ്ടത്ത് ഇടിമിന്നലിൽ വീട് തകർന്നു. നെടുങ്കണ്ടം പ്രകാശ്ഗ്രാം പാറയിൽ ശശിധരൻ്റെ വീടാണ് ഇടിമിന്നലിൽ തകർന്നത്. ഉച്ചയോടെ ശക്തമായ വേനൽമഴ പെയ്തിരുന്നു. മിന്നലേൽക്കുമ്പോൾ കുട്ടികൾ ഉൾപ്പെടെ വീട്ടിലുണ്ടായിരുന്നു. മിന്നലിനെ തുടർന്ന് അടുക്കള ഭാഗത്ത് വയറിങ്ങിന് തീപിടിച്ചു. ഇതോടെ വീടിൻ്റെ ഒരു ഭാഗം കത്തി നശിച്ചു. വീട്ടിലുണ്ടായിരുന്നവർ ഓടി രക്ഷപ്പെട്ടു.മഴയിൽ തോട്ടം മേഖലയിൽ വ്യാപകമായി മരവും ഒടിഞ്ഞു വീണിരുന്നു.
ഡബ്ലിൻ- സ്ലൈഗോ റൂട്ടിൽ പോയ ഈ ട്രെയിനിൽ കഴിഞ്ഞ വെള്ളിയാഴ്ച യാത്ര ചെയ്തവർ സൂക്ഷിക്കുക..! ഗുരുതരമായ ഒരു രോഗം നിങ്ങളെ ബാധിച്ചേക്കാം:
അയർലണ്ടിൽ ഒരു പ്രത്യേക മുന്നറിയിപ്പ് നൽകിയിരിക്കുകയാണ് HSE. ഡബ്ലിനില് നിന്നും സ്ലൈഗോയിലേയ്ക്ക് പോയ ഒരു ട്രെയിനിലെ യാത്രക്കാര്ക്കാണ് മുന്നറിയിപ്പ്. കഴിഞ്ഞ വെള്ളിയാഴ്ച (മാര്ച്ച് 28) Dublin Connolly- Sligo റൂട്ടില് പോയ Carriage D ട്രെയിനിലെ യാത്രക്കാരില് ഒരാള്ക്ക് മീസില്സ് ഉണ്ടായിരുന്നതായി ബലമായ സംശയമുണ്ടെന്നും, 15 മിനിറ്റോ, അതിലധികമോ നേരം ഈ ട്രെയിനില് യാത്ര ചെയ്ത എല്ലാവരും ജാഗ്രത പാലിക്കണമെന്നുമാണ് നിർദേശം.
ഡബ്ലിനില് നിന്നും വെള്ളിയാഴ്ച വൈകിട്ട് 5.05-നാണ് ട്രെയിന് പുറപ്പെട്ടത്. ഇതിൽ യാത്ര ചെയ്തവർ അടുത്ത 21 ദിവസക്കാലം, അതായത് ഏപ്രില് 18 വരെ മീസില്സ് രോഗലക്ഷണങ്ങളുണ്ടോ എന്ന് നിരന്തരം നിരീക്ഷിക്കണം.
നിർദേശങ്ങൾ ഇങ്ങനെ:
മൂക്കൊലിപ്പ്, തുമ്മല്, കഫക്കെട്ട്, കണ്ണുകള്ക്ക് ചുവന്ന നിറമാകുക, പനി, തല, കഴുത്ത് മുതലായ സ്ഥലങ്ങളില് ആദ്യം പ്രത്യക്ഷപ്പെട്ട ശേഷം ദേഹമാകെ പടരുന്ന ചുവന്ന തടിപ്പുകള് (red rashes) മുതലായവ കണ്ടാൽ ഡോക്ടറെ സമീപിക്കണം.
ഈ ട്രെയിനില് യാത്ര ചെയ്തവര് പ്രതിരോധശേഷി കുറഞ്ഞവര്, ഒരു വയസില് താഴെയുള്ള കുട്ടികള്, ഗര്ഭിണികള് എന്നിവരുമായി ഒരു കാരണവശാലും സമ്പര്ക്കത്തിലേര്പ്പെടാന് പാടില്ല
യാത്രക്കാരില് ആരെങ്കിലും മേല് പറഞ്ഞ വിഭാഗത്തില് പെടുന്നവരാണെങ്കില് ഉടന് തന്നെ ഡോക്ടറെ കണ്ട് ഉപദേശം സ്വീകരിക്കണം.
