മഹാകുംഭമേളയിലെ വൈറൽ താരം മൊണാലിസ കോഴിക്കോട് എത്തി. മോനി ഭോസ്ലെ എന്ന മൊണാലിസ അടിമുടി ലുക്ക് മാറ്റിയാണ് കേരളത്തിലെത്തിയത്. രാവിലെ ചെമ്മണ്ണൂർ ജ്വല്ലറിയുടെ പരിപാടിയിൽ പങ്കെടുക്കും.
സഹോദരനൊപ്പമാണ് മൊണാലിസ എത്തിയത്. കേരളത്തിൽ വന്നതിൽ സന്തോഷമുണ്ടെന്നും എല്ലാവരോടും നന്ദിയെന്നും മോനി ഭോസ്ലെ പറഞ്ഞു.
കൂളിംഗ് ഗ്ലാസിൽ കറുത്ത കേട്ട് ധരിച്ച് സ്റ്റൈലീഷ് ലുക്കിൽ അടിമുടി മാറിയ മോനി ഭോസ്ലെയാണ് മലയാളികൾ കണ്ടത്. കുംഭമേളയിൽ ഞങ്ങൾ കണ്ടത് ഈ കുട്ടിയെയല്ലാ എന്നും അത് ഡ്യൂപ്പിനെ ബോച്ചെ ഇറക്കിയതാണെന്നും കമൻറുകളുണ്ട്.
15 ലക്ഷം രൂപയാണ് മോനി ഭോസ്ലെയെ കേരളത്തിലെത്തിക്കാനായി ബോച്ചെ നൽകുന്നതെന്നാണ് വിവരം. ആരെയും ആകർഷിക്കുന്ന ചാരക്കണ്ണുകളും സുന്ദരമായ ചിരിയുമാണ് മധ്യപ്രദേശിലെ ഇൻഡോർ സ്വദേശിയായ മാല വിൽപ്പനക്കാരിയായ മോനി ഭോസ്ലെ സാമൂഹികമാധ്യമങ്ങളിൽ വൈറലാക്കിയത്.
